تويت
يموت الحب
معاك الحق وبكيفك ولانت بعشرتي مجبور
وأنا من صوبي سامحلك نعم ومبرّي الذمّه
وتأكد واللّي يجمعنا انا لاقلت لك معذور
مجرد واقعي يحلم يعيش بواقع يهمه!!
على النيّه أنا عايش على الدّنيا بطيب شعور
أعيش وصدمتي أصعب خيانه تصدم الأمه!!
عليك الّلّه ياذاك الطريق المظلم المهجور
هدمت أغلى طموحاتي وقتلت الحلم من يمّه
وهدمت بقلبك القاسي سنيني في بقايا سطور
ومشاعر قلبك اللاّهي انا ادري ماهي مهتمّه
أحسبك يالوفا بتجبر حطام الخاطر المكسور
واشوفك للأسف عايش مثلهم شرّك تعمّه
وش الّلّي يفرق الجاحد عن اللّي خان وعاش الدّور؟؟
أذا ماكان هذا هو اخو لهذا..ولد عمّه!!
غريبه قلوب ماترضى تعيش وتكشف المستور؟؟
تخاف تعيش واقعها رغم مالواقع تضمه؟؟
واذانت بخاطرك كلمه أو ببالك سؤال يدور؟؟
أبد لايشغلك قلبٍ عشانك مات في همّه!!
مادام أن الوفا بين الحبايب ماخذا له دور!!
يموت الحب..؟؟ لعيون الفراق الّلّي هدر دمّه!!
~~~ القصيدة للشاعر الرومنسي ~~~
.::. شافي السبيعي .::.
تعليق