الله يسامحك على كل ماجاني
القلب لعيونك الثنتين نعزربه

والا طموحي في راسي واسئل امتاني
اكبرمن اللي على شرواك جاهربه

تذكرني ايام سعدي وتنساني
في الضيق والهم واللوعات والكربه

تدري ويش الغربه اني داخل اوطاني
واعيش مثل الغريب بديرة الغربة

لاتعتذر عذر مايقنع على شاني
وان كان به عذر تكفى لاتعتدر به

شخصي مبدع ومجنون وأناني
وشفايفك جمر يحرق والهدب حربه

خصرٍ يهز القلوب وعود رياني
يحقق اكبر طموحات النظر وربه

لكن تذكر بان ابن ادم ثاني
والكبر صاحبه له يوم يحدر به

والحب صاير تعيش الحب وحداني
وتحارب الناس عقلك ماتفكر به

لاعاد تسأل من الاول ومنو الثاني
والا من اللي خفوقي يفرح بقربه

الاول اللي يعاني مثل ما أعاني
واليا شعرت بلذيذ الشوق يشعربه

واللي خفوقي على شوفته طرب
انيكل الدروب العفيفة تطمح لدربه

والا انت مالك حبيب مثل حمداني
لو درت في الكون من شرقه الى غربه

اليه اتحداك اليا قمت تتحداني
وانا مقامي على النجمه أتفاخر به