مثل جميلي معك كمل جميلك معي
واعشق بعين الغضب والا بعين الرضى

تسمع عنى الاخطل وتسمع عنى الاسمعي
لكني بسمعك شعرا يهز الفضى

لاتدعي ظلم والله فوق يالمدعيي
الين تعدل وتستوفي شروط القضى

لاتشتكي قلة الادراك قبل الوعي
خليك واعي وتدرك كل شيء مضى

حضيت بي وانت تدري ويش موقعي
لو كان غيرك حمد ربه على انه حضى

حرمتني صوتك اللي لاوصل مسمعي
كأني أغني هجيني فوق عوص النضى

وفارقتني والمفارق مايزيد وجعي
لكن يولع في جوفي نار كأنها لضى

ياصاحبي والشعر ماهو براس اصبعي
الشعر احاسيس قلب لغرامك رضى

وانا مصحصح معك خليك مصحصح معي
واعشق بعين الغضب والا بعين الرضى