شمس الغرام أضحت من الهجر شارقه
من بعد ماهي من المواصييل مشرقه
مأجور ياجفن(ن) شكى قل نومه
دمع الحزن من ليعه بين هارقه
على محب(ن) نازح لبعدي حلاه
ولا أنا ماكان ودي افارقه
عليه قلبي زايدات(ن) شجونه
ومفارق خله يلي نار(ن) حارقه
كل مابغيت أنساه جدد جروحي
شوق(ن) سرى في مزنه الحب بارقه
ولت بيوفي وانبتت في هواها
والصبح تصبح في المعاني فارقه
معذور خلي ان تخلوا تناساه
بحمد انه طارق الوجد طارقه
اعطيت له قلبي هديه وراضي
لاهوغصب عني ولاهو بسارقه
واليوم روحي مايوصف شقاها
في زحمه الاقدار والهجر غارقه
شمس الغرام اقبلت الهجر غابت
فارقت خلن(ن) ماتمنيت أفارقه