من باب تثبيت الوعي يا بن مرخان
لعيون دولة مجتمعها ريادي

زرعت في صحراء الاحساس بستان
يمكن ألامس فكرته للمبادي

أمثل المكتوم والا النهيان
والا الشيوخ الشامخه في بلادي

حصان عزي يسبق في كل ميدان
وسهيل مجدي في سما العز بادي

ولا انتقدني واحد ماله لسان
والا معه لسان ولسان عادي

احاول اوصل غايتي قدر الامكان
اصنع نجاحي من كثير انتقادي

والسر في قلوب الرجاجيل ينصان
والجاهل بجهله يزيد التمادي

والمرجله في عيون هلها لها شان
مع اعتقاد الناس قبل اعتقادي

لو صحت في قلوب المقفين يا فلان
ما فيهم اللي يستمع للمنادي

وهداية الله ما تحصل بالأثمان
والله يهدينا وهو خير هادي

والصبر كنز الروح والذل حقران
واللي ما عنده راي تلقاه غادي

وانا يا بن مرخان احساس فنان
احاول اشرح فكرتي للعبادي

تدري وش احلى بيت سواه حمدان
لعيون دولة مجتمعها ريادي

ما دام كثر الحرب في يد الانسان
افضل خيار انعيش من دون ايادي