تويت
أخواني أخواتي الأعزاء أود أن ابسط لكم هذه الأبيات والتي كتبتها بعدما سمعت بقصة تكلمت على لسان صاحبتها أتمنى أن أكون قد وفقت فيها وتقبلوا تحياتي
سويت بي يابوي اكبر جريمه = جريمة تخدش وتجرح ثرى العين
منها حلي العقل اصبح سقيمه = ومنها اشتعل قلب المطوع براكين
ومنها صليب الراي اصبح سقيمه = ومنها غدت كل الرواسي مهي شين
ومنها يقول الرب ماهي حكيمه = ومنها غدت كل الخلايق مجانين
ظلمتني يابوي والله ظليمه = ظلمتني من شان جمع الملايين
تطرب وقلبي للطرب مايهيمه = تسلى وانا دمعي على الخد غاشين
ابكي واقول اليوم ليتي صميمه = وليتي مع الطرشان في موقع زين
باسباب من خلى حياتي وخيمه = واصبحت في هرج العذارى عناوين
الله يعوض العمر والله يعينه = مادام ابوي اليوم بالنار كاوين
والكي اريح لو كوتني يمينه = وسط الحشا له كية كالبراكين
ياما انتظرت تقول جتنا غنيمه = ومبروك الله يرزقك بالوراعين
واشوف امي يوم ترفع يمينه = ودمع الفرح ينزف بعين تراعين
امي توفت ماسلت في حلومه = وانا كبرت وصرت جملة براكين
اقولها والروح بانت رسومه = يم الولي والعمر عدا ثمانين
محمد الجلعود
تعليق