تويت
رحمة الله عليك يابابا
قلتلى حكمه جميله
الرزق عمره ماكان حيله
والمال مش فى ايدك وسيله
بس اهرب بيه من الرزيله
ناس اشتروا بيه اخرتهم
بالخير بنجيب فى سيرتهم
بالخير بنجيب فى سيرتهم
عمر الدنيا ما اخدتهم
ويابختهم ويافرحتهم
وناس ضيعوه على كيفهم
والشيطان دايما كان ضيفهم
انا لابغنى ولابقول موال
متفقين اننا كلنا فى زوال
عشت وشفت كتير احوال
وشاهدت كام نوع م الاموال
مال للخواطر جبر
ودايما بيجى بعد الصبر
ومال موجود علشان الهبر
ولاينفع فى يوم قبر
ومال مخلى الأمين يخون
كالمهل يغلى فى البطون
ومال بيعلى واحد دووون
وبتغمض ليه كل العيون
ومال حق مش بيموت
حتى لو فى بطن الحوت
عروس النيل
تعليق