من يوم حصل صورتي في الجريده
وهو يداعبني بسلك التلفون

صورة بليا صوت هزت وريده
يا الله عسى ما يشوفني في التلفزيون

كل يوم مرسل لي رسالة جديده
عنوانها قلبا ً من الحب مخزون

المشكلة ما أعرف وش اللي يريده
في كل ليلة وله نظاما ً وقانون

يا أهل العقول الواعيات الرشيده
لو أنكم فزاع وش با تسوون

لقلت له سالف بجملة مفيده
سولف ولكن دون معنى ومضمون

قاطعته بلهجة شديدة شديده
عفواً أنا ما أفهم وش تقول وش لون

حقيقة وروعة وفعلا ً أكيده
بأنه حبيب يسلب القلب ويمون

يا اللي عيونك عاملة بي مكيده
وخصرك مع سحرك ولا سحر هارون

و منحرك يختال بجماله لجيده
والردف كنه إبليس وإبليس ملعون

والفذ حمدان المكارم رصيده
وأنت بدون أخلاق عادي يا مزيون

خليت لك ذكرك الغرام السعيد
واللي بقى جرحا ً ورى القلب مكنون

وكسبت لي مليون شخص بقصيد
وخسرت لي واحد شريته بمليون

والجرح الأول لا تحاول تعيده
من دون ما تشرح لي الوضع من دون