استمد الشوق حيله وانتحابي
لين صادفني طريقٍ كنت اهابه

لي شهر وانا ماغير اكتم مصابي
واتجمل فالوجيه من الذرابه

لين حدتني مخاييل السحابي
والسنين اشباح والايام غابه

شفت مامنها مصده واجتنابي
لكن الله رحمته تسبق عذابه

ياوجودي من عناي وياذهابي
وجد من خلوه ربعه للذيابه

في نهار هيب اللي مايهابيي
عتنق عج المنايا بالسحابه

منك ياللي فاقدٍ منك صوابي
قمت اعشقكك مثل عشقي للكتابه

شف غيابك وين وداني وجابي
بس مع الايام زودني صلابه

حس فيني يامعودني غيابي
في وجودي وش مدى فرق التشابه

ليه ادق الباب دام الباب بابي
يامعيشني تفاصيل الغرابه

يامعودني على صبر احتسابي
يا معرضني شقى القيض وسرابه

الدروب طوال لكنك زهابي
شوف حالي كنها قوس الربابه

اعتقدت انك تعاني من عذابي
يكسرك صوت الاحبه والغرابه

واثرك اللي مستريح ولا درابي
ماتعرف الا تمادي في غيابك