تويت
حمام الهنا - الشاور والاسترخاء وزيوت ولا اروع
الريحة الكويسة هي أكوس حاجه في الدنيا 
ولان الريحة الحلوة أساسها النظافة .. فالشاور هومحور حديثنا اليوم
ادري تقولون في نفسكم مهوب وقته .. لان محد يبي طاري الشاور في الشتاء <<< فيس يقول مش عايزين نستحمى 
هذي سنة الحياة .. بنتحمم يعني بنتحمم .. ولا يعني عشان الجو بارد خلاص نصير وعه ؟ 
ولاننا بنوتات حلوات المفروض إن الشاور حقنا يكون مختلف عن شاور الشباب والذي يقتصر على ( ماء+ شامبو أبو طقه + صابونه ام ريال وبدون ليفه بعد )<< مدة الشاور 5 دقايق في الايام العادية ( عشر دقايق ) في الأعياد والمناسبات الخاصه << النحشه ياحلى 
الموووهم
حلو الوحدة مننا تهتم وتدلع نفسها .. قبل و أثناء وبعد الشاور ... من ناحية ( تنظيف ) ( ترطيب ) ( تعطير ) ... الخ
فجيت اليوم ومعاي شويات من عفشي .. وما ببخل عليكم بشي استفدت منه .. 
(1)
اخلقي لنفسك جو حلو ( يجدد نفسيتك ) ...
مثلا : ولعي لك في الحمام كم شمعة من اللي تجي ( بروايح ونكهات ) أو حطي فواحة .. بتلاحظين ان هالشي راح يضبط لك مزاجك بالذات اذا كنتي جعلانه أوتوك منجلده 
زيوت عطرية ( للاسترخاء ) .. راح تلاقينها في محل ( بودي شوب )
ممكن تحطينها في فواحة وتولعين تحتها شمعة .. وممكن تضيفين كم قطرة منها لموية البانيو ..
وهذي صورة زيوتي الخاصة ..
الغرشة الكبيرة زيت استرخاء ومساج في نفس الوقت بريحة ( المندرين ) من بودي شوب تدهنين جسمك فيه قبل الشاور وتتمددين في البانيو مع شوية مويه دافيه << وشوفي الروقان كيف
الغرشتين الصغار زيوت فواحة تلاقين منها كثير في ( هوم سنتر )
(2)
غسلي شعرك بالشامبو << لا تنتظرون مني صورة لاني ما أثبت على شامبو واحد
وبعدها لازم تحطين ( بلسم أو قناع ) .. عشان يخفف من تاثير كيماويات الشامبو من جهه .. ويعطي شعرك نعومه ولمعه من جهه ثانية .. 
أنا أستخدم ماسك ( لوريال ايلفيف ) يخلي الشعر حرييير وريحته قوية ( كانك كابه عطر في شعرك )
(3)
هذا مقشر للوجه لكن أنا استخدمه للجسم لان بشرتي حساسة فاخذت أخف شي ..
وهو كريم منظف وفيه حبيبات خشنة ( بريحة الخوخ ) .. افركي جسمك فيه بيدك أو بليفه اذا حابه ..
بعدها أغسليه بالمويه ..
(4)
اذا مو حابه المقشر .. هذا صابون مغربي احووووووووووبه
تحصلينه في الصيدليات من منتجات ( وادي النحل ) وتجي معاه الليفه تبعه .. جربيه وراح تلاحظين الفرق من أول استعمال ..
ملاحظة << اقول عاد (اها ) لاشفتي نفسك تلقين مو تطيحين فيه كل يوم والثاني فاركه عمرك به << الحمام المغربي مرتين في الشهر بس .. 
(5)
بعدها نظفي جسمك بالشاور جل والليفة
ملاحظة : الصابون العادي يسبب جفاف للبشرة .. الشاور جل أخف و أأمن
أنا أستخدم هازا .. ( لوكس بالليمون والأعشاب ) ..
مننننننننننننعش وريحته حلوة وينظف من قلب
(6)
بعد ما نطلع من الشاور جففي جسمك و حووطي بودي (لوشن )..
الشله هذي تحصلينها في زهور الريف واسمها ( سويت كاميليا)
بودي لوشن و شاور جل ووالأبيض هذا ( زيت جسم ) للي بشرتهم مره جافة .. والسغنونوهذا زيت مركز
هذا لوشن من بودي شوب بريحة ( الفانيليا ) مع الزيت المركز تبعه لما تحطينه يجيك احساس عميق انك قطعة كيكة
ملاحظة موش كويسه<< الزيت حقه طعمه مرررررررررررر 
هازا كريم مرطب تلاقينه في الصيدليات من منتجات ( فكتورياز سيكرت ) مره رايق وهادي .. برضو بالفانيليا << ياعمر الشقا 
هذا زيت أطفال ريحته رايقه ومفعوله شي .. تلقينه في محلات ( شيكو ) حق النونوات 
هذا شاور جل .. وبودي لوشن ( اسكادا ) بس ريحته قوية .. يعني تبع طلعات سهرات مو حلو تحطينه في البيت ...
هذا كريم مركز ( قلامور ) .. وزيت جسم من محل اسموه ( بيوتي .........) نسيت الباقي
حلاة الزيت تتشربه البشرة بسرعة ...
الشي هذا خقه .. اذا حطيته أصير أحبني 
كريم مركز ( كوكو شانيل ) ريحته تجنننن و قووويه وتدوم يومين ثلاثة ( من غير مبالغة ) .. تحصلونه في وجوه ( فيسز ) ..
(7 )
نجي عند الشفايف
دايما رطبيها عشان ما تنشف وتتشقق وتلتهب ويصير كننا جايين من البر
الازرقاني ذا غني عن التعريف << لابيلو من عهد جدتي الله يرحمها
الثاني مرطب ( صبايا ) بنكهة المشمش .. خفيف وريحته بطله .. تلاقينه في محلات ( مكياجي ) ..
ملاحظة << في ناس تحط فازلين وماشيه أمورها .. أنا استخدمته مره ولاحظت انه يغمقها فحرمت استخدمه
(8)
الأماكن الجافة ( الركب والأكواع ) << فيس يقول عيارتنا المتوارثه
الكريم هذا بطل
تدهنين فيه الأكواع والركب مرتين يوميا .. يرطبها ويفتح لونها .. أنصحكم فيه وبقوة
كثير استفدت منه بما اني 24 ساعة متكيه ومعذبه كوعي
(9)
الرجووووووووووووول
أول ماتطلعين من الشاور بتكون رجلك رطبة وهذا أنسب وقت انك تسوين لها (بدي كير ) متواضع
استخدمي المبرد ( الناعم ) لازالة الجلد الجاف .. لا تستخدمي الحجر والمبارد الخشنة لانها راح تسبب نتوءات وتزيد الطين بله ..
وبعدها أدهني رجلك بكريم مرطب والبسي شراب بعدها ...
أنا أستخدم كريم (جونسون ) بزبدة الشيا .. أو فازلين تبع ( الأقدام ) .. اثنينهم تحصلينهم في الصيدلية ..
(10)
الشعر >> فيس يقول ارحميه من السشوار بسك تمصيع
أولا : لاتمشطين شعرك وهو غرقان لان هالشي يقصفه لك ..
ثانيا : لفيه بمنشفة ناعمة .. لحد ما ينشف ..
أنا بعدها أستخدم مصفف الشعر ( بانتين ) هو كريم بس حلاته مايخلي الشعر لابد ويلمع كنك ( سيلانيه ) حلو للي شعورهم مموجه أو كيرلي .. لانه يهجد النفشه ويخلي الخصلات مرتبه وريحته حلوة ..
(11)
الوجه
استخدم بعد الحمام .. مرطب ( هستان ) وهو مرطب وسن بلوك ( واقي شمس ) في نفس الوقت
واللي مرتز جنبه هذا مرطب من لوريال ومفتح للبشرة في نفس الوقت .. أتعب و أقول روعة ..
الثنائي الجميل تحصلينه بالصيدلية ..
(12 )
مزيل رائحة العرق
الحذر ثم الحذر ثم الحذر
النوعيات اللي مكتوب عليها كذا
Unti-perspiration
خطيرة جدا وتتسبب في السرطان ..
النوعيات المكتوب عليها هالكلمة
Deodorant
امنه باذن الله ومامنها ضرر ..
البخاخ هو أخف شي و مفعوله رائع .. أستخدم أحيان ( نيفيا ) و أحيان ( ركسونا )
لا تستخدمين الرول أو البودرة لانها تسد المسام وتعيق خروج العرق وهالشي مضر ..
خلاس شطبنا ياحلوين << فيس يلم أغراضه في كيس 
ياليت ماتبخلون علينا بنصايحكم .. الهدف من موضوعي هذا .. اننا نستفيد من بعض ونتبادل خبراتنا ..
ياليت ماتبخلون علينا بنصايحكم .. الهدف من موضوعي هذا .. اننا نستفيد من بعض ونتبادل خبراتنا ..
البطلة تصور لنا عفشها .. والزوله مو لازم تصور بس لا تبخل علينا بنصيحة نصيحتين .. عشان نذكرها بالخير
و حمام الهنا للجميع
و حمام الهنا للجميع
.. 
..عزيزتي 
...موضووع اكثر من رووووعه...
ة:
...مافي اي اضافه ولا نقصان...
تعليق