ياعيوني ماش داعي للسهر*****ريحيني وأستريحي ساعتين

الهموم أسبابها غبن وقهر*****والعنى مكتوب للقلب الحزين

إن صبرت أسبوع ماباقي صبر*****طالت الأيام ماغمضة عين

غارقن بالحب في غبة بحر*****بحر عشاق الغرام الصادقين

الثواني كنها عندي شهر*****والشهر يحمل ملايين السنين

يسرق اللحظات حبٍ ماضهر*****وسط قلبن صعب مكنونه يبين

مخفين له حب ماحبه بشر*****وأشهد أنه صار ثالث للثنين

نور خده كيف مايلفت نظر*****شاعرٍ ماشاف عقب الزين زين

ليت حظي مايطيح وينعثر*****لين أظمه باليسار وبا اليمين

وأروي العينين من شوفه نظر*****وأحظنه وأقول طول الصبر شين

ياقمر بلله فارق ياقمر*****القمر توي حظنته بالليدين

مايهم الوقت إن طال أو قصر*****ودع الأحزان ياقلب الحزين

وياعيوني ماش داعي للسهر*****دام جاء المحبوب وشله تسهرين

ولو حصرت الشوق والله مأنحصر*****شوق مثلي في عيون الناضرين

ياغنات الروح ياظي البصر*****دام عن وضع الدراسه تسألين

كنت الأول بدراسه وأفتخر*****ماعشقت أصير ظمن الراسبين

ولو نظام المملكه يشبه مصر*****ويجتمع فالفصل بنات وبنين

قلت أبى أدرس لجل عينك ياقمر*****وفأول الطلاب جنبي تجلسين

والسنين تمر في لمحة بصر*****ناخذ الأول ونبقى الأولين

..........................

السلطان

أنشاء الله تنال أعجاب الجميع