يعني فعلاً / ما أنت داري ليه انا اشتاق الغياب ؟
كان قصدك /جاي تسأل / لازم أنك تسمعه!!



في الحقيقه / لستُ أملك / للسؤال أيّة جواب


كل ما في الأمر / واحد/ غاب وأشغلني معه!!
البلا مو أي / واحد غاب / واحسب له حساب
قلب / روحي / وعين / عقلي / بالنهاية أربعه !!
شفت / يا كثرك / حبيبي/ اسف / اقصد يا عذاب
شفت وش سويت فيني/ عايشك في معمعه!!
يعني لازم اعترف لك / واعترف إني مصاب
والطريق اللي خذلني ما جبرني اتبعه!!
وانت لازم كل قصّه تحت عنوان الكتاب
وكل غلطه ترتكبها ذنبها عالمطبعه !!
:
:
حس ياخي / حس مرّه / حس مرّه بأحتساب
حتى الأعمى لا ظَلمتَه / دلَ كفّه مدمعه!!
حس ياخي /خاف ربك /صار ذاك الطفل شاب
من وجوعه قام جوعه ياكله ما يشبعه!!
:
:




اعتبرني شخص عادي قال من باب العتاب


كلمةِ حزّة بصدرك / كيف تقدر تقنعه !!
من متى والغيم يشكي للسما وقع السراب
لي متى والظيم يحكي للظما عن مطمعه!!
اعتبرني شخص ماهر يمطر بوجه السحاب
وجرهدي البيد تروى من معاليق اصبعه!!
يستبيح اطهر شعوره / كان شاعر ثم تاب
صار قاسي / ما يحرّك شعر راسه زوبعه!!
يعني تقدر تعتبرني/فص في ملحك وذاب
تنثره / ترميه / كيفك /لكن (اصحك) تجمعه ..!!




"
"




منقول