وش اخباري ...
شلي جابني ع البال ... وش الطاري

من اللي شاغل اللي شاغلك عني
عسى ما شر ... وش خلاك تذكرني

بعد ما اعتدت هجراني
ليه تجدد اشجاني
بعدها تروح و تنساني
و ترجعلي في عمر ثاني
تسالني عن اخباري

وش اخباري..

ابد على حطت يدك ... لو كان هذا يسعدك
ماشي تغير للاسف ... لليوم كلي في دبرتك

صدقني لو كان بيدي ... انا تركتك من زمان
تسالني شللي حدني ... شللي جبرني ع الهوان
اللي جبرني اني احبك
يللي خذاني مني حبك
رجعني لي ارجوك ... حلفتك بربك

وش اخباري ... هذي اخباري
لكن بسالك بالله شو الطاري


عزت علي نفسي

عزت علي نفسي و انا اقول ارجوك ... احتاج اشوفك تعتذر و تغلى
تركتني و اقفيت و الناس شافوك ... خذلتني يا كيف عني اتخلى
ذلتني يا حب و هم حيل ذلوك ... ردوا الغلا الف جرح و علة
الملك لله انا كيف صرت مملوك ... في يد من ظلم خله تسلى
لكن يا قلبي الشقى كيف خلوك ... تمشي طريق كلنا ما ندله
ترضى المهانه لي تشفع لهم دوك ... تستاهل اللي جاك باضعاف كله


مافيني شي

ما فيني شي ... حبيبي لا تقلق علي

جرح في طرف اصبعي
يطيب و يمكن يختفي
لما يدك تلمس يدي

ضحكتني ... ضحكتني

لو تشوف جروح قلبي وش تقول ... لو تشوف همومي و اثقال الحمول
لو تحس بضمى روحي لفرحه ... كان صابك ما مقاومتي ذهول

اللي شفته في حياتي مو قليل ... لا تغرك ضحكتي حزني اصيل
ما يفارقني ابد لو حتى لحظه ... ما عطى احبابي من وصله بخيل

العذر منك حيببي و السموح ... جار جرح القلب و اجبرني ابوح
لا تلومه من عذابه حن نفسه ... و اختلط الجد مع بعض المزوح


غايب حبيبي عننا
انا و عيني و حبنا
ابنتظر لو هي سنه
طيفه يسلي الانتظار
في خيالي ليل و نهار

يغيب و تخلى وسادتي
و اسهر اعاني وحدتي
مالي احد في شدتي
مجبور مالي اختيار
في خيالي ليل و نهار


احبه و اتعذب بلاه
و لا يبي قلبي سواه
هو علته و همه و دواه
ما انساه لو صار اللي صار
في خيالي ليل و نهار


أحبك موت

احبك موت في غيابك و اذا شفتك احبك زود
احبك في ابتسام الوقت و احبك في جفا ايامي
اشوف الناس لى شفتك اسامي ما لهن وجود
و لا من غبت عن عيني اشوفك طيف قدامي
ابرحل في سما افكاري و اسكن في العيون السود
ابي اسكن بها لحظة و اروي ناظر ظامي
و انسى ما مضى لاجلك و بنده عمري المفقود
و اقول العمر لك وحدك و بانسى جرحي الدامي
و بجمع ما بقى من وقت و بصرخ يالهنا موعود
لقيت اللي تمنيته لقيتك يا هوى احلامي
و اضمك حيل لا تبعد اخاف ان الزمان يعود
و باخذ عمري الغلا و ترجع ماضي الامي




_________________



منقووووووول