هاتوا لي البنتلي لو في طرف سكه
أبغي أطالع حبيبي عالبلاكونه

لو سهم عينه بقلبي صوب وشكه
ما ارد دونه لو ان الموت من دونه

اقلب بعلبك لو يامر بعلبكه
وارض الكنانه عشانه أرض مكنونه

رمشه يهودي ولكن قبلته مكه
له رمش كافر لو الاسلام فعيونه

كم درهم من ذهب هارون ما سكه
وكم درهم زاد سعره لجل هارونه

باشريه بمليون لكن ما معي فكه
من يقدر يفك والمليون مليونه

ياصاحبي لا تبيع الجبن في عكه
أكثر أهل عكه يبيعونه

والشعر أماشيه بعض الاحيان و أدكه
عاقل ولكن بيوت الشعر مجنونه

كل المزايين لول وخلي اليكه
واليك يفرق حلاه ووزنه ولونه

يا معشر القوم انس في الحشا تكه
حسبي على الي بقلبي وثق طعونه