تويت
الرجال طيور توصف للحرار=وكل طير في جناحينه يطير
وين طير يحتري له كل جار=ووين طير يذعره صوت الصفير
وين طير لا نهض شق الستار=وين طير مايصيد إلا الشرير
لو تقول إن الشجاعة بالطيار=كان فضلنا القطا عن كل طير
النداوي له على الفعل اقتدار=والحمامة بالمحارم تستدير
وإن جهلت الزين والجنس الدمار=انشد اللي في معرفتهن خبير
افتهم مني كلام باختصار=فرق بين الصوف من سلك الحرير
وفرق بين الحب ونخال الشوار=أصلهن واحد لاشك الذوق غير
ربعة الطيب تزيدك بانتصار=ترفعك رفع العمد بيت نظير
والردي عرفه مثل بيت هيار=تنقبر فيها ويدفنك الحفير
حقة الطيب تجيك من الفقار=والردي يعطيك كرسوع البعير
لاترابع واحد بالعهد بار=وإن وفا مرة فهو خير كثير
التجارب خلها لك مستشار=لاتبي غير التجارب لك شوير
لاتجي مدخل يدينه بالخبار=مالقى صيدة لقى داب ضرير
وانت في نفسك عليك الدور دار=لاتحسب إنك مخلى يافقير
وقر العالم وتلقى لك وقار=وإن حقرت حقرت لو إنك أمير
والشرف لايستوي فيه انهيار=الشرف هو مقضب السيف الشطير
والقناعة مرجلة والضعف عار=واطلب النجدة من الوالي القدير
لاتجي للناس طلباتك كثار=كل ديوان تجي يمه مغير
ماخبرنا في هل الشحذة تجار=غير فقره كل نفسٍ له تعير
خل عز النفس للعورة ستار=لو فراشك في طرف بيتك حصير
وانت للعودة إلى الله بانتظار=واحد ماله وكيل ولا مدير
مدة الله تمتلي منها النقار=تجعل الغدران بالملزم تحير
تجعل الوادي مريف بالخضار=عقب ماهو يابس قشعة هشير
الكريم معان والفارس مجار=مدي الواجب ونطاح الذخير
والغنى بالذل مافيه اشتهار=والفقر بالعز لأمجادك يثير
منزلك بالذل فوق أعلى منار=ينتفضل عنه مسكان الحجير
مرقدك بالعز في حزم القرار=ينتفضل بالمعزة عن سرير
الغنى بالنفس ماهو بالصرار=كم غني كن ماعنده دخير
كم فقير في ثقيل الحمل ثار=وكم غني سمعته سمعة فقير
لا تقول فلان يملك له عقار=ليش أنا ما أدركت مثله وأصير
واحد معطي ماهو فيك غار=لاتجي لأحوال خلق الله نظير
ولاتقول الوقت لايحني صطار=ضربة خلت دماغي يستدير
غيرك الدنيا تلوحه بالحجار=لين صار الدم من خده خرير
ضامت الدنيا مدللة البكار=نازلين القفر لو جاهم نذير
وانكشف برق مثل لون الشعار=يذكر الغزاي به عشب وغدير
جلعوا له مالهم غيره مزار=في جهام كنه الصيد المذير
وإن مشورك بالسلف والنشر سار=زمة الحيران زاهيها النشير
حاسبين للجهاد وللمغار=والبنادق ماتخبى بالجفير
كان شاط الهوش شيطات العشار=جتك أواليد تعزوا بالفطير
موتة عن قولة الخفرات نار=العذارى ماتعشق اللي ينير
وينهم هالحين مامنهم سمار=ماتشوف إلهم ورود ولاصدير
مالت الدنيا عليهم بانكسار=عقب مايضهد دبشهم كل بير
عقب شرب الدر من سور الحوار=هاجروا بالمدن يشرون العصير
والدبور إليا طبخ قدره وفار=ذوب اللي فيه من حامي السعير
لذة الدنيا مثل لعب القمار=لو جمعت المال شف تالي المصير
لوجمعت من الذهب حمل القطار=عند نزع الروح ما أنتب له دبير
صار بين الوارثين بلا مشار=انعزل حق الكبير من الصغير
وانت حقك خامةٍ عشرين وار=حقتك هذي ولا فيها خشير
فصلوا منها حزامك والوزار=وأقرشوا بك يم مثواك الأخير
وانسدحت من الفضا في وسط غار=يطردك منكر وقدامك نكير
واهني اللي مشى طلق الشكار=سالم من ظلم عمرو ومن عمير
لوه بالدنيا بحالات خطار=يرتجي بالاخرة فرحة نظير
من رحمه الله وقبلن العذار=رحمة الله تغفر الذنب الخطير
والأثيم من الصراط أقرش وعار=إن سلم من ويل طاح بزمهرير
يا إلهي كان مالي إقتدار=ألتجي في رحمتك وأنت المجير
الشباب أقفى وأنا باخر نهار=وأرتجي فزعتك يانعم النصير
ملحمة الشاعر المرحوم: مرشد سعد البذال الرشيدي
وين طير يحتري له كل جار=ووين طير يذعره صوت الصفير
وين طير لا نهض شق الستار=وين طير مايصيد إلا الشرير
لو تقول إن الشجاعة بالطيار=كان فضلنا القطا عن كل طير
النداوي له على الفعل اقتدار=والحمامة بالمحارم تستدير
وإن جهلت الزين والجنس الدمار=انشد اللي في معرفتهن خبير
افتهم مني كلام باختصار=فرق بين الصوف من سلك الحرير
وفرق بين الحب ونخال الشوار=أصلهن واحد لاشك الذوق غير
ربعة الطيب تزيدك بانتصار=ترفعك رفع العمد بيت نظير
والردي عرفه مثل بيت هيار=تنقبر فيها ويدفنك الحفير
حقة الطيب تجيك من الفقار=والردي يعطيك كرسوع البعير
لاترابع واحد بالعهد بار=وإن وفا مرة فهو خير كثير
التجارب خلها لك مستشار=لاتبي غير التجارب لك شوير
لاتجي مدخل يدينه بالخبار=مالقى صيدة لقى داب ضرير
وانت في نفسك عليك الدور دار=لاتحسب إنك مخلى يافقير
وقر العالم وتلقى لك وقار=وإن حقرت حقرت لو إنك أمير
والشرف لايستوي فيه انهيار=الشرف هو مقضب السيف الشطير
والقناعة مرجلة والضعف عار=واطلب النجدة من الوالي القدير
لاتجي للناس طلباتك كثار=كل ديوان تجي يمه مغير
ماخبرنا في هل الشحذة تجار=غير فقره كل نفسٍ له تعير
خل عز النفس للعورة ستار=لو فراشك في طرف بيتك حصير
وانت للعودة إلى الله بانتظار=واحد ماله وكيل ولا مدير
مدة الله تمتلي منها النقار=تجعل الغدران بالملزم تحير
تجعل الوادي مريف بالخضار=عقب ماهو يابس قشعة هشير
الكريم معان والفارس مجار=مدي الواجب ونطاح الذخير
والغنى بالذل مافيه اشتهار=والفقر بالعز لأمجادك يثير
منزلك بالذل فوق أعلى منار=ينتفضل عنه مسكان الحجير
مرقدك بالعز في حزم القرار=ينتفضل بالمعزة عن سرير
الغنى بالنفس ماهو بالصرار=كم غني كن ماعنده دخير
كم فقير في ثقيل الحمل ثار=وكم غني سمعته سمعة فقير
لا تقول فلان يملك له عقار=ليش أنا ما أدركت مثله وأصير
واحد معطي ماهو فيك غار=لاتجي لأحوال خلق الله نظير
ولاتقول الوقت لايحني صطار=ضربة خلت دماغي يستدير
غيرك الدنيا تلوحه بالحجار=لين صار الدم من خده خرير
ضامت الدنيا مدللة البكار=نازلين القفر لو جاهم نذير
وانكشف برق مثل لون الشعار=يذكر الغزاي به عشب وغدير
جلعوا له مالهم غيره مزار=في جهام كنه الصيد المذير
وإن مشورك بالسلف والنشر سار=زمة الحيران زاهيها النشير
حاسبين للجهاد وللمغار=والبنادق ماتخبى بالجفير
كان شاط الهوش شيطات العشار=جتك أواليد تعزوا بالفطير
موتة عن قولة الخفرات نار=العذارى ماتعشق اللي ينير
وينهم هالحين مامنهم سمار=ماتشوف إلهم ورود ولاصدير
مالت الدنيا عليهم بانكسار=عقب مايضهد دبشهم كل بير
عقب شرب الدر من سور الحوار=هاجروا بالمدن يشرون العصير
والدبور إليا طبخ قدره وفار=ذوب اللي فيه من حامي السعير
لذة الدنيا مثل لعب القمار=لو جمعت المال شف تالي المصير
لوجمعت من الذهب حمل القطار=عند نزع الروح ما أنتب له دبير
صار بين الوارثين بلا مشار=انعزل حق الكبير من الصغير
وانت حقك خامةٍ عشرين وار=حقتك هذي ولا فيها خشير
فصلوا منها حزامك والوزار=وأقرشوا بك يم مثواك الأخير
وانسدحت من الفضا في وسط غار=يطردك منكر وقدامك نكير
واهني اللي مشى طلق الشكار=سالم من ظلم عمرو ومن عمير
لوه بالدنيا بحالات خطار=يرتجي بالاخرة فرحة نظير
من رحمه الله وقبلن العذار=رحمة الله تغفر الذنب الخطير
والأثيم من الصراط أقرش وعار=إن سلم من ويل طاح بزمهرير
يا إلهي كان مالي إقتدار=ألتجي في رحمتك وأنت المجير
الشباب أقفى وأنا باخر نهار=وأرتجي فزعتك يانعم النصير
ملحمة الشاعر المرحوم: مرشد سعد البذال الرشيدي
تعليق