اخواني في منتدى عبير هذه قصيده
غزليه ان شاء الله تنال على اعجابكم
يابنت صوتك ترينه حرك أشجاني ==تكفين خلي ..صدى ذ الصوت .. يشجيني
يجي بهمس المسا .. أشكال والواني== يحب صوت السهر لا قبل يمسيني
بنت أسكنت ريحها في كل وجداني== تغرس جذور الهوى فيني وتسقيني
بنت أهدت العيد ضحكة طفل واهداني== من عقب ماكان ذاك العيد يكفيني
بنت أسرفت في الحلا ذقته وحلاني==صار الحلا من حلاها دوم يشكيني
بنت أعطت أهل الهوى موال والحاني ==منها أنكتب شعر لعيون المزاييني
بنت أشرقت في مساها شمس تدفاني== والله مابي سواها شمس تضويني
الشعر سيل .. العيون بيوت واوطاني== الجيد سيد .. الثغر يامر وينهيني
تمشي .. يوقف .. معاها .. القاصي الداني== تاقف تطيح الخلايق .. من نظر عيني
لجلك مشيت الطريق .. وطبعك أغراني== لجلك اخون الطريق .. إن كان يمديني
أحبك أعلنتها للقلب .. واعطاني== عهد ومواثيق وقيود على أيديني
بس أطلبك كان همت وصوتك أشجاني== تكفين خلي صدى ذ الصوت يشجيني