الصبر ورث الأنبيا والتنميه تبغى كفاح
والناس يرزقها الولي على حسب نِيَّاتها


يا(حصّة) انا ما نسيت أقول مبروك النجاح
لكن أدوّر لحظةٍ نفسي تلامس ذاتها


تبريكتي بَرْقٍ تناظرْه العَرَبْ لا منْه لاح
ما هي بمثل العالَم الثالث وتبريكاتها


مبروك يا اشْرَفْ حب في قلبي تمكَّنْ واستراح
يا اغلى من أحياء الديار الشاسعه وامواتها


روّضت أحاسيسي من الفرحه وهي تجمح جماح
وْصَوَّرْتها لك في قصيده ماتموت أبياتها


الاشجار في أنحا (دبي) ترقص طَرَبْ والطيب فاح
وحدايق الأرض أينعت بالتهنئه وَرْداتها


الليل عَيَّد والنجوم تْقول وينك يا الصباحي
ا لين ذابت في دقايقها و في ساعاتها


وارتاح في قلبي ترى شوفك يسبِّبْ الارتياح
وتبريكتي تسوى صدى العالَمْ وتبريكاتها