علامك لابغيت انسى تجي تسأل عن اخباري
تروح شهور هاجرني اعاني لوعة احزاني

تجي تسأ ل تبي تعرف جديد الحزن باشعاري
وتاخذ ماتبي مني تماري به وتنساني

تماري في عذابي بين خلق الله ولا اداري
وانا اللي هايم بحبك تشمت فيني عدواني

حياتي لعبه بيدك تلاعب بي وانا شاري
ترفق يابعد عمري ترى ماجاني اكفاني

دخيلك يامعذبني مدامك تعرف اسراري
يمين الله ماغيرك ذكرته باجمل الحاني

يجي ليل (ن) ويمضي ليل اناجي طيفك الساري
عليم الله من جورك اعيش بعالم(ن) ثاني

غريب (ن)وسط هالدنيا اعيش بزحمة افكاري
اعاني من الم غربه وانا مابين اخواني

حبيبي وش جرى مني تولع بالحشا ناري
يجي لك يوم تتندم تمنى فيه تلقاني


اتمنى ان تعجبكم
_____________