تويت
قصيدة بعنوان قول الصراحة للشاعرة الريم
قول الصراحة
قول الصراحه يا الغلا أشفيك
وش غيرك يا نور عيني
غايب ولا دري وش حصل فيك
وأشغلت بالي يا ضنيني
لك يا زميل الروح بهديك
أبيات من خافي حنيني
أن كان روحي اليوم تعنيك
لا تقول قلبك قد نسيني
قول الصراحه كان يرضيك
حالي من الفرقا محيني
روحي رهينه براحة يديك
وكل الخلايق لايميني
أسعفني دام الوقت يمديك
الأيام تأخذ من سنيني
ادعي عسى ربي يخليك
وأدعي عسى ربي يعيني
مترفقن فيك وأعزيك
اتشابك يدينك بديني
تدري باني حيل أغليك
وكل المشاعر تحتويني
وأخر كلامي عاد بوصيك
لا تستمع للعذاليني
تعليق