يا مرحبا يا مغلط في تلفوني
مسموح .. مسموح والغلطات عفويه

صفريين تسعه وسته .. سته تموني
الرقم هذا فتح خط السعودية

ان قلت لبيك امر هذي عيوني
فتحت ذا القلب والنيه على النيه

خليت لك في الحنايا بصمه ولوني
تفرق على لون دمي في مجاريه

خليت لك يا حبيبي بيت فرعوني
يخربط الناس في الروحات والجيه

وخليت لك في عيوني ركب وضعوني
تزعل وتنزل تحت جفني وفوقيه

يا صاحبي وان نشدني طيفك شلوني
اقول طيب وطيفك فيه ماريه

ماريه يوم تقبل تجذب لحوني
واجر له من لحون الشوق قافيه

بيحت يا قاصد الغلطات مكنوني
وانا رومنسي احب اهل الرومنسيه

من دونك اعيش وانت تعيش من دوني
يا لين اوحيت صوتك يا لعنبو حيه

رجت زوايا خفوقي وانشد ركوني
وانا ولد شيخ لي هيبه وشخصيه

الارض ارضي والكون المرجله كوني
لكن الحب والعاشق وطاريه

تكفون يا ناس بالله لا لا تلموني
الصدفه اللي بلاني عاد جبريه

سموني العاشق المغرم وسموني
الشاعر اللي قصايده ارتجاليه

قنابل من فكر راسي ومضموني
لكن قنابل غرامه هي بذريه

واغني البيت متواكب وموزوني
مبدع ومجنون وافكاري خياليه

يا نجد ودي اغني بك على هوني
حورية الارض فوق الارض نجديه