يا (أحمد)خفوقي غدا في يدينها لعبة
لعب الهوا في غصون الراك لا مالت

و هي في قلبي تمركز في طرف شعبه
وذكرى غلاها ليا ذا الحين ما زالت

قولوا لمحبوبتي نفس العنا تعبه
وان قلتوا إلها .. أبا اعرف إيش هي قالت

إلى متى هالخفوق يعيش في رعبه
وشلون يركد شعوري و الغلا فالت

الحب حاكم طغى ظلمه على شعبه
و النفس تشكي على ظلمه ولا احتالت

يا بنت أنا صعب ودموعي بعد صعبه
من قو عزمي ليا ذالحين ما سالت

إن كنتي الزين من راسه إلى كعبه
نفسي لحب المكارم و العلا نالت

الله يحرم عذولي شوفة الكعبه
ياللي يدينه إذا طال القفا طالت

لو كل من شافت عيوني تولع به
ما صرت كني في غصون الراك لا مالت