تويت
احساس عاشق - تبي تسمع مواويلي بقلب تايه محتار
السلام عليكم
اتمنى ان تعجبكم هذه القصيده .. هي من اخر ما كتبته
احساس عاشق
تبي تسمع مواويلي بقلبٍ تايهٍ محتار
وتعرف ما جرى بعدك وبابك يوم صكيته
دموع الاه ترثيني وتنزل من عيوني كثار
وترحل من دفا عيني لشالك يوم لفيته
واحس الاه تشكيلي حبيبٍ تاركٍ هالدار
وحرفٍ من خلص حبري بدم القلب خطيته
واحس أوتار تعزفني قتيل بثورة الثوار
ذبحه البندق العادي وبنته تحتري جيته
واحس بهالشتا دافي على عكسه زمانً صار
حنون القلب يدفيني يعوض قلب خبيته
واحس بهالسما تمطر دموع بقدرة الجبار
وترثي حالي لحالي وحبك يوم لبيته
واحس بهالجفا شخصٍ على بابي يدق الطار
يغني عيني يا ليلي قرى شعري وبكيته
واحسه يركض لدارك وهو يرويلك الاشعار
يحنن قلبك القاسي ويطلب وصلك لبيته
واحسك صرت لي ماضي تلاشى بحكمة الأقدار
مسحتي نفسك بنفسك وجرح البعد داويته
نسيت اليوم طعناتك نسيت اني غريب الدار
لقيت الحب من بعدك وقلبي الباكي هنيته
أبيكي تقري أشعاري الى من هلت الاسحار
وحسي بنفس احساسي بطيفك يوم ناجينه
رحلت اليوم عن قلبك نفاكي خافقي واختار
انا حبيت من بعدك وقلبي عنك صكيته
تحياتي
فتى الظل
تعليق