.......... مدخل {

قبل موتي
وقبل لايختفي صوتي
أبي ياليل تعلمهم


عن الشوق اللي سهرني
وعن الحب اللي دمرني

وعن دمع ٍ حرمني الشوف
وعن شوق ٍ كتمه الخوف


وعن العمر اللي ضيعته
فهوى إنسان بايعني !

كان قلبي بس يردد يعني معقوله نساك
. . . . يعني معقوله ضميره خلاّ عشرتنا تهون ؟
وارجع لنفسي واقول: وين ياقلبي وفاك ؟
. . . . ليتك تجيد السباحة في بحر ذيك الظنون



عشت في حالة تناقض تدري ياقلبي دواك
. . . . يدري إنّا نضيع لكن إبْسهوله راح يخون
إنت ياخاينْ أبسأل منهو من إيدي خذاك ؟
. . . .وليه نلقى بسْ نادر للوفا شخصٍ يصون ؟



لسّه ياقلبي تحبه اللي ما أروى ضماك !
. . . . أعذرك وانته تحبه وْواصل لحد الجنون




قول احبك / قول ميّت / قول ما أقوى جفاك
. . . . شوف كيف يصد لكن داري دمعات العيون
شوف إنته بعين قلبك كيف يطعن من وراك
. . . . يحرق الحب ب يدينه ليه يرضى يضحكون ؟




وراح ترجع لي ياقلبي وانت غرقان بدماك
. . . . صدْ قلبي وصاح فيني : هم بعقله يلعبون
صحت ب َ اعلى صوت عندي اه ياقلب شبلاك؟
. . . . بين ضلعيني حضنتك ورحت للي ينكرون !




قلت لك ياقلب إنّه راح يرميك ورماك
. . . . رد قلبي : صح ْ رماني وبكره عنّه يرحلون
هو دفن حبي اللي عايش مارحم صرخة نداك
. . . . واللي باعك لجلهم ياقلب صاروا يرخصون





بالشتا بيدق بابي : " افتح احتاج لدفاك "
. . . . ومن ورى قلبي بقلّه : "روح للي يغرّرون "
وطالبة ه اللحظة تذكر إن موتي ماكفاك
. . . . واضوي شمعاتٍ حزينه ذكرى لإنسانٍ حنون !

............. مخرج {



إذا باقي لكم غدر اعذروني !