بسم الله الرحمن الحيم
السلام عليكم ورحمة الله وبركاتة
هذي قصة رجل مروج مخدرات عندما انمسك وحكموا عليه بالاعدام حس انه كان يمشي في طريق غلط تمنى انه يقصوبه في الظلام لانه مايبغى الفضيحة لاهله الله يكفين شر المخدرات
للعبرة لا لتسلية
منقول
اناس أسمعوا قصة واحد بالسجوني
يقول ذبح السيف مانيب هايبه
يقول أرحم بالرصاص أقتلوني
والعين ملفوف عليها عصايبه
لعل بعض الناس مايعرفوني
ودي لو التنفيذ والشمس غايبه
أنتم عرفتوا قصتي وأرحموني
أخاف لاتلحق على أبوي عايبه
لويعرف عني أني مروج أفيوني
ولويدري أني للمسلمين جايبه
ومدمن حشيش ومثقلن بالديوني
يدعي على ودعوة العود صايبه
ولاتخبرون اللى بطبعه حنوني
الوالده تكثر عليها مصايبه
أخاف لادريت يصيبها جنوني
وتصبح عليله عالة على شايبه
من ضاع عقله ماتفيد العيوني
والعقل من مد الكريم...ووهايبه
واللي جرح قلبي وزود طعوني
وروحي عليه من أول العام ذايبه
مشعل ونوره والبقيه تهوني
حياتهم عقبي ماظنيت طايبه
وياكيف ربعي مت مازاوروني
وكيف الفتى ينسى من أقرب قرايبه
كله سبايب شلة دهوروني
وصار الثمن راسي وفوقه نصايبه
حسبي عليهم شلة ضيعوني
حتى أني شفت الموت تجهز ركايبه
ولا أنشدوا عني ولاكيف لوني
وأنا أحسب أيامي وأعيد بحسايبه
الله يرميهم مثل مارموني
في عثرتي ألين طحت بنشايبه
ماطعت يوم الطيبين نصحوني
ولاينصح الأنسان ألا حبايبه
وياقادر أمره بين كاف ونوني
خالق عباده بين صلب وترايبه
عّوض علي دنياي وأحسن ظنوني
وأغفر لمن نفسه عن الشر تايبه
وياللي حضرتوا مقتلي سامحوني
هذي نهاية قصتي مع سبايبه