احبك يا المكان الي جلس محبوبي فيه
وعهد مني لازورك يالمكان بكل عصريه
عليك الله وامانه لاتظايق من كثر ماجيك
ترى عذري كبير اللي يحرضني على الجيه
تصدق يالمكان اني من امس وخافقي يغليك
غلا فوق الغلا كله ولايوجد غلا زيه
مع اني كنت من يومين ماشقابك وانا ماشقيك
وبزيارة حبيبي صرت دنيا من الاهميه
عطيتك لو عطيتك كل حبي تستحق اعطيك
انا لامن عشقت اعشق واحب بكل مافيه
وهذا لجل خاطر نور عيني مو عشان ارضيك
ولومازيارته ماتنال لاهذي ولاذيه
بعد ماجاك نلت من الشرف والله مايكفيك
اقابلك بمشاعر كلها رقه وحنيه
ويكفيك الجمال اللى بدا بزيارته غاشيك
وصرت اجمل مكان يلوح فالعين الشقاويه
ياليتك قلت له بسالك هل درب الهوى مشقيك
من اجل اعرف مشاعر داخله فالقلب مخفيه
ياليتك يالمكان اللى رقص قلبي على طاريك
رقصت لرقصته رقصه ورقصاتك غراميه
انا مادري وش اللي صابني لاوين ماتحريك
اخاف العمر يذهب وانت لاهاذي ولاذيه
يابنت الناس فكي خافق ماسور بين يديك
دخيلك بادليه احساس والا اعطيه حريه
انا مليت صبر ومل صبري من كثر مارجيك
عسى الله لايعيد الساعه اللى جابتك ليه
صحيح ان الغرام اللي سكن في خافقي يرثيك
وحبك وسط قلب ياهواي قصور مبنيه
ولكن كان ماتشرين حبي مستحيل اشريك
انا انظر للسماء ومحال اناظر صوب رجليه
وتطمن يالمكان اللي جلس محبوب قلبي فيك
ابد ماعاد اجيك الا زياره كل عصريه