ابكي انا مثل مايبكون.... في حب غيري ونسيوني
قلبي وداعه مع المظنون ...... ماظن غيره يسلوني
والله لو يحكموا مجنون....... ماظن عنه يردوني
لكن عزيزي يسئ ظنون...... من سبته باح مكنوني
يوم اقول الوفا مضمون ....... ويوم اقول اه نسيوني
راحت حياتي رجا وظنون......والقلب بيديه مرهوني
زاد الغلا وخاطري محزون.... للي شراهم يبيعوني
ياصاحبي عذبن بالهون......... لاتلعب الدور بفنوني
يكفي باني لكم مرهون......عبدن تبيعون وتشروني
ماقدر فراقك انا مفتون.......ماطيق ساعه تغيبوني
الله بلابلاني بكم وشلون...... انتم بحبي تلوموني
ماقدر الله علينا يكون........ والعهد خلوه مصيوني
والا لوحدي انا خلون....... راض بهذا وممنوني
واسلم امري لرب الكون.....واصبرانا صبر ذا النوني
وفي خاتمة شعري الموزون... ازكى تحيه لمظنوني


ارجو ان تنال اعجابكم تقبلو تحياتي