تويت
صمتك ذبحني تسلمين يالغاليه نورتي
-
-
صح الله لسان من قالها ..مساكم : خير ..
وكل عام وانتوا بخير .. وعيدكم مبارك
محمد جارالله السهلي
.. الشاعر الذي استطاع أن يخطو في عالم الشعر خطوات الرجل الواثق والثابت في مسيرته
حيث تدرج الى أن اتسعت دائرته من الكويت الى الخليج فقد ملك قلوب الجمهور..
فهو يملك شاعرية شاملة وعذبة في العديد من الاغراض الشعرية..
واليوم أمامكم هذه الرائعة.
ا ل خ ي ا ن ه !! *
من بعد ما كنت احسبنّي نسيتك
مدري اشجابك على البال وذكرتك ؟؟
ولا وعيت إلاّ وانا قدّام بيتك !!
ماتقول انّي قبل مدة هجرتك ؟!
ذا مكاني .. لاغفى الليل وسريتك
شف ّ كم لي .. ما سريت ولا سهرتك ؟
وذا مكانك .. لا تضايقت وجفيتك
وشف ّ كم لك .. ماترجّيت وعذرتك ؟
وذا مكان قلوبنا .. لحظة هويتك
فيه عمري اختصرته واختصرتك
واقف .. وكنّي من احزاني بنيتك
(جسر) .. مابين الزمانين وعبرتك !!
اتذكّر .. وش خذيت ووش عطيتك
يوم كنت انقاض وبحبي عمرتك
واتذكّر .. ساعة انهوك وبديتك
كيف بجروحي عن جروحي سترتك !!
وكيف بعت احلام عمري واشتريتك
وكيف كنت اشنع هزيمة وانتصرتك
وكيف كنت الملح ..لكني رويتك !!
وكيف كنت الزيف .. لكني ذخرتك !!
ادري اني جد ّ.. من قلبي بغيتك
وادري انّي رغم كل هذا خسرتك
انتظرتك .. ( عمر ) حتى اني لقيتك
والقهر مدري على ويش .. انتظرتك !!
كنت احبك .. كنت !! لكني سليتك
وما بقى سلمته الريح ونثرتك
وانت لا تزعل اليا مني رثيتك
بعد ما خنت وتوفيت وقبرتك !!
والله اني .. لاحزنت ولا بكيتك
مثل ما عمّرتك بقلبي دمرتك
بس تدري ليش عقب غياب جيتك ؟
واهتدت رجلي على بيتك وزرتك؟؟
بشكرك .. على اخر طعونك فديتك
ليلة فراقك .. نسيت !! وما شكرتك !!
أتمنى أنها تنال على اعجابكم ..
أبيات روعة من جد .. قصيدة جزله ..
أختي / بعدهم كلهم ..
أشكرك غاليتي على نقلك الرائع .. وذوقك الفريد ..
الله يسعدك ..تعليق
-
بعدهم كلهم
تسلمين وأحسنتي الاختيار ،،،،أبيات في قمة الروعه
دمتي بود غاليتيتعليق
-
بعدهم كلهم
صح لسان شاعرها
وسلمت يمين ناقلتها
يسلموووووووووو على هالطرح الجميل
ويعطيكي الف عافيه يا رب
في انتظار جديدكتعليق
-
مشكورين عالمرور
ماقصرتواتعليق
-
انا جديده عليكم .......... صح لسانه شاعرهاتعليق
-
نورتي اختي
مشكوره عالمرورتعليق
-
بعدهم كلهم
سلمتي وسلمت يمناك علي النقل الجميل
وصح الله لسان شاعر القصيده
ابدع الشاعر في الابيات
وابدعتي بحسن الاختيار
تقبلي مروري
تحياتي لك
ودمتي بودتعليق
-
يسلموووووووووووووووووووووو
قصيده روووووووووعه
صح السان من الفها وتسلم ايد الي كتبتها
تسلمي لي خيتوووووووووووووتعليق
-
مشكورين عالمرورتعليق
تعليق