من المتعارف ان الشموع تعطينا جو رومانسي هادي ومريح للأعصاب

سهل ان انحصل لشموع .. ونلقاها بأماكن وايدة

وممكن الشمعة نفسها باللون والحجم والشكل نلقاها عند هذا وذاك

لكن

لي سوينا شمعة لنا مخصوص وبايدنا
بتكون مميزه ومحد بكون عنده مثلها
فاذا تبين الطريقة

إتبعي مايلي:

اشتري عدد من لشموع العادية لرخيصة حسب الألوان التي تبينها
وجهزي قالب
هالقالب انتي بتصبين ( تسكبين ) فيه الشمع بعدين
فاختاري قالب وانتي حاطه ابالج
ان شكل هالقالب اهو نفسه راح يكون شكل الشمعه اللي بتكون عندج بالنهاية

فان اخترتي مثلا قالب بشكل علبه ماخذه بالطول وعرضها قليل فهذا القالب ابيعطي الشمعه شكل الشمعه لضعيفه
... وهكذا

المهم انج تلقين لج قالب للشمعه ... وبعدين

جهزي زيت معطر
(ينباع ابمحلات المنتجات الطبيعية والمعطرات)
مثل .. محل

A to z
or
The body shop
.. etc.

وهالزيت المطلوب ابيعطي الشمعة ريحة حلوه .. فمثلا

اذا اخترتي زيت على ريحة ورد
وبتلاقين منه انواع ما تخلص اللي على ريحه اللافندر واللي على ريحه الفل وغيره
فلما راح نستخدمه ابتطلع شمعتج ابريحه الورد اللي استخدمتيه
اوكي .. الحين عاد لي يينا انسوي الشمعة

اختاري عدد من لشموع على حسب الحجم الذي تبين اتسوينه للشمعه
وحطيهم في جدر على النار
وانتبهي أنج تسحبين خيط فتيلة الشمعة لكل شمعه حطيتيها بالجدر
بس هذا بعد ما تلاحظين انها ذابت
وابسرعه شيلي خيط الفتيلة
علشان لا يحترق الخيط ويطلع ريحة حرق بايخه بالشمعه
وهم ما نبي خيط فتيل الشمعه يحترق لأن
ابنستخدمه حق الشمعة اليديدة اللي بنسويها الحين


بعدها اخذي واحد من خيط الفتيل اللي عندج وخليه بايدج
ومثل ما قلن لأن ابنستخدمه بالقالب اللي عندنا

ان ذاب الشمع كله .. ضيفي له قطرات من الزيت لمعطر
وبعدها صبي الشمع الذايب في القالب

وطبعا تقدرين اتزينين شكل الشمعة ابعدة اشكال وباختراعات من عندج
بانج مثلا تنثرين ورد مجفف بالشمع الذايب
بس عاد اتحرصين أنج
اتحطين هالورد لمجفف في جوانب القالب قبل صب الشمع

واخر شي حطي القالب في الثلاجة أو الفريزر لمدة عشر دقائق أو ربع ساعة
وبعدها طلعيه
وقلبي القالب وحاولي اتطلعين الشمعة منه اشوي اشوي

واذكروني كل ما شبيتوها