تويت
اخر قصيدة لي ( جنون الحب )
صباحكم ورد ...
اخر قصيدة كتبتها .. وسميتها
جنون الحب
اتمنى تعبجكم ..
لا تلومي العشق من عله تجيه
ولا تزيدي جراح قلبن منفطر
كم شربتك مر علقم مكتسيه
وكم شربتك مالح الدمعه قهر
وكم هجرتي واسهرك ليلي واتيه
وحسي البحار في غبة بحر
العواصف والبروق الي تجيه
حطمت مجداف منجاه بصخر
مايشوف الكف من ضلمه تليه
وما يحرك مقدمه يخاف يعثر
ماله الا رحمة الخالق تقيه
ويحتري لحظات موته كالدهر
انفجر قلبي على ماحر فيه
وانفجر بركان شعري بالدرر
كل حرفن من حروفي ماهجيه
ينكتب قدام عيني ما يمر
تحسبين الحب لعبه وتحسبيه
صورتن تنحط عجدارك شهر
وتلعبين بقلب وافي لك وفيه
كل حبن صافين عوده خضر
صرت انا مجنون تايه كل ابيه
ينكتب اسمه مع قيس بسطر
الصحيح العمر دونك ما ابيه
والصحيح القلب دونك منكسر
وش يفيد الحب في قلبن نزيه
والأناني الي بوصفك قد حضر
هاجرن هجرك وربي ارتجيه
يعوض المضيوم بنتن كالطهر
هذا هو قولي ومرك جربيه
واحصديه العند ودموعك ثمر
وهذا هو وصفك وحبي كذبيه
وارسمي حبك كما ضي القمر
زيني رسمه وتوقيعي خذيه
كاتبن اعلاه يا جرح العمر
تحياتي
فتى الظل
تعليق