عزمت أعَزمْ ومن عَزمْت عَزمْ بي
عَزام عَزم يقول الشعر واعزم به


حيّيت ركب الحيا ممّا حوت سحبي
يا حَيّ به عد ما حيّا الحيا ركبه


الشعر عشق القلوب وْشَاعِرِكْ شعبي
ما يعشق الشعر لى ما يشعِرْ بْشَعبه


وانا بْنباك ونبا من ناب متنبّي
أنبيك واللي ينبّيك النّبا نبّه


كلامك أحلى من السكّر على قلبي
عِيْده على شان أعيد العيد من حبّه


لاجله جنيت الجمان وجيون الغبّي
أدلج لاجل لجّ داجي تنجلي حجبه


بانشدك عن شاردٍ تنشا به السحبي
أوّله عندك .. وتالي رمزه أوّل به


تحسِبْ حسابه مع انّه من سحب حسبي
ويحاسبونك عليه وحسبته صعبه


والعزم عزمك واذا عزّمت عَزّمْ بي
واعزم من اعتاز لك عزّه وعزّم به