انا يابحر ماجيتك فاضي ول مشاهدك شفقان

أنا جيتك ابي انسى الياس وهموم تباريني


على شانك انا جالس اسامر موجك الغضبان

واسولف له عن اوجاعى وعناي وغربة سنيني


علامك يابحر غاضب علامك تصرخ ب كتمان

انا جيتك ابي اشكيلك وابي منك تواسيني


انا جيتك ابي أوصف لك عذاب اتعب الوجدان

عذاب رافق سنيني وعيا لا يخليني


انا مثلك بحر لكن وسط نفسي انا غرقان

تعبت ابحر مع نفسي وأنشدها انا ويني ..!


انا مليت من حزني وتعبت ابحث عن السلوان

ولا ظنيت به شي عن احزاني يسليني ..!


انا محتار في فكري مع نفسي انا حيران

انا الاقدار افهمها وهي تجهل مضاميني ..!

احس ان الحزن عالم بحور وصخرى و وديان

وتخيل يابحر حجمه إذا كله سكن فيني ..!


تصدق ان حزن هالكون تجمع ب كيان انسان

وتصدق مابقى ب الكون حزن ماسكن فيني ..!


تدري ان الحزن لو غاب و راح لاخر الاوطان

يغيب ويرتحل لحظات ويرجع يستقر فيني ..!



مِمَا تصفحت (: ..