تويت
بقلبي قصه احكيها وترويها ملوك الجان
مسائكم ورد ...
اخر قصيده كتبتها اتمنى تعجبكم .. انتظر تعليقاتكم
ابي اسألك عن طفله تاهت في سما الاحزان
تدور عن سعادتها وتحرك فيني اشجاني
لطيفه حيل برضاها ولكن بالزعل بركان
تحب الكلمه الحلوه وتدمع والقلب حاني
احس اني انا ابوها واحس اني انا العشقان
جمعت احساسها بقلبي وعزفت بعشقها الحاني
تسميني امير الحرف وانسى لجلها خلان
واسهر ليلي ارسمها بحبر اشعاري وحداني
واشوف الليل يجفاني ويترك عيني بحرمان
ونبض القلب يضمهاها وتروي دموعي اجفاني
احب جنونها دايم واصنع من دموعي انسان
يعيش العمر وايامه ويعيد يحبها ثاني
احب عنادها لقلبي ويتبع دمعتي غفران
واقول القلب لها عاشق ويردد اسمها لساني
يجيني النوم واتمنى اشوف الحلم بها فرحان
وأهدي قلبها بكفي واخذها بأحضاني
تقول لا تروح عن عيني وتترك فيني الاحزان
واقول اني انا جنبك ولاجلك البس اكفاني
وابعد ليلك الموحش واكتب بالقلم قيفان
واضم همومك لصدري واحس انك بتدفاني
بقلبي قصه احكيها وترويها ملوك الجان
عجزت اكمل ابياتي لان العشق ابكاني
فتى الظل
تعليق