تويت
الشاعر في هذة القصيدة يستغرب كيف روحة تعيش فية ومع هذا لايستطيع ان يراها
ياروحي أحيا بك وحنا غريبين
مانيب أشوفك وأنت ياروح ذاتي
في داخلي وأشكي معك لوعة البين
بعيد عني وأنت نبضة حياتي
يالحظتي لو الزمن بيننا سنين
ويامنوتي لو ماحصل لي مناتي
صوتي تقطع في فلاة المحبين
وشوفي تمدد مع سراب الفلاتي
لا وهني منهم على الماء مقيمين
وأنا يبس صوت الرجا في لهاتي
أهيم في صحراء عديمة عناوين
متاهةٍٍ خلو الشجر والحصاتي
الليل يوحش والضحى يجرح العين
والحزن يكتب من عذابي غناتي
أمنّي عيوني من الحين للحين
عسى الفرج مع طلعة الصبح ياتي
ياطاغي الفتنة من الراس للقين
ياليتي أستر لوعتي في عباتي
:
تعليق