على الله يازمن بشكي جروحي والليالي طوال عسى راع العنا ينسى عناه وينشرح صدره
على الله يازمن بشكي همومي والهموم جبال تعدت عاصمة حزني حدود العالم بأسره
خساره يالسنين اللي كتبتي قصة الترحال فرحت أمس وحزنت اليوم بس الخوف من بكره
لساني كم شكى صمته والا منه حكى ماقال بغى طبع السكوت بزينة المحروم من صغره
سقى الله يوم أنا كنت أضحك وبالي مريح البال ضحوكاً ماعرفت الحب وش معناه وش قدره
كبرت وكبرت أحلامي وصارت قصة الترحال أماني في مهب الريح حلماً ماكتمل سحره
عزيزة يالعيون اللي حظنتي دمعة الرحال حبستي دمعته بين المحاجر يوم ضاع من عمره
عزيزة يالحروف اللي سكتي والكلام يقال حكيتي ماشكيت الهم وهم القلب ياكبره
عزيزة ياليدين اللي بنيتك باصعب الأحوال أكفك ساعة الحاجة وأمدك ساعة القدره
عزيز النفس لو يصبر على صبر الليالي نال وأبصبر والحزين يصبر ومقياس الحزن صبره
أنا منهو حمل همه على رأسه تقول جبال مجاديف الزمن دارت عليه ولا يعرف وش القدره
وأنا منهو فقد صوته وبعض الصوت دمه سال دعيت الله يفرجها علي وبحت أنا النظره
أشيل الحمل عن غيري وحملي صار ماينشال كما الشيخ الهزيل اللي مشيبه منقضاً ظهره
على الله ينقضي وقتاً قضيته هم معه غربال ويشع النور في قلب غشى ليل الظلام فجره
على الله والولي الله وبأمر الله يزين الحال ويضحك للزمن قلب مع همومه قضى عمره
منقووووووووووووووووول