بسم الله الرحمن الرحيم

يشرفني ان اقدم لكم هذه القصيده

للشاعره الأميره نوره الرشيد (رحمها الله)

وهى تشكى لعبدها ....

أبكي هلي أهل العلوم المليحه
ولا ألوم عيني لو بكت دمعها دم

أبكي إخواني والقصور الفليحه
إخواني اللي لا بغوا لازمٍ تم

ياما انتخوا باسمي ليا حل صيحه
أليانتخوا بي كافر الجن يسلم

إسمي كما نجمٍ ضرب قاع بيحه
أوالصواقع يوم للضلع ترجم

نورة أنا بنت الشيوخ الفليحة
أبوي حاكم وإخوتي صفوة الجم

يا حيف حايل فارقن ريح شيحه
بذيك الشغايا تقل ما قيل لي سم

محمد طلال اللي جرح للقريحه
وناسٍ بنا خانوا وناسٍ بنا نم

خانوا بحايل كاسبين الفضيحه
وأهل العمايم جعلهم في جهنم

أهل العمايم يدعون النصيحة
جهال بدوٍ ما تعرف التيمم

يالعبد عقب العز كبدي جريحة
حب الوطن يالعبد من عصر ادم

يالعبد هي من حكايا الفضيحة
خل السهر لي وإنت يالعبد قم نم

من أولٍ نامر تجيب الذبيحة
واليوم !! ياعصر الندم صرت لي عم


وتمت ورحم الله اموات المسلمين والمسلمات -