وقت الفراق وحان ,,, نارٍ ونصلاه
ودمع الوداع اليوم لازم نذوقه

لو القدر باليد عشنا وكتبناه
بس القدر مكتوب محدن يعوقه

لو هو بكيف الحر ,,,قام وطلب ماه
كم خادع العطشان غيم وبروقه

صعبه نعيش أحباب قلبٍ خدعناه
صعبه نعيش أغراب وقتٍ نبوقه.

دام الضعيف اليوم فينا ظلمناه
نسرق ولانهتم لو هي حقوقه

دام النهايه هم ,, واحنا زرعناه
كيف الصبر في قلب زادت حروقه..

قصة هوانا أمس حلم وذكرناه
نرضى نعيش الحلم صدق ونحوقه..

هذا الهوى بالهم ضاع وفقدناه
مات الهوى بأيام ماهي صدوقه..

يكفي نعيش أوهام ماضي رسمناه
ياكيف صمت أوهام صارت نطوقه

لا لا تقول نحب,, حلم وبنيناه
يكفي مراقع ثوب زادت خروقه

ماقلت هذا الهرج سهلٍ وأنا ابغاه
كنّي طلبت فراق روحي تسوقه

ماضي مضى ياخل صعبه أنا انساه
ومهما حكيت وقلت ,, حبي يفوقه

بس الوداع اليوم ناري وانا اصلاه
طعم الحزن يا قلب يصعب مروقه



~~ منقول ~~