تويت
ياخوي في خاطري بوح
هات القلم ياخوي في خاطري بوح=ودي اترجم لي طواري وهوجاس
واخذ من الابيات سجّه مع الروح= في معزلً مافيه ما يزعج الراس
هذي ثمان سنين والقلب مجروح= والفكر شارد والمعاليق يبّاس
ويفوح في صدري همومٍ كما فوح= صفر الدلال اللي لها الناس جلاس
امشي على درب المقادير وانوح= ويهيض وجداني ليا هبّ نسناس
سبة ظروفٍ تجهد الحال وتروح= وتترك مواجعها على القلب حراس
تعبت وانا اشيل والوقت مشفوح= يطوي سنيني دون رحمه ولا احساس
كني غريقٍ شاف موته على لوح !!= تلعب به الامواج ما صابه الياس
ابني من الاحلام بنيان وصروح= احلام ورديه غدت مالها ساس !
واطرد سراب اللال واخيلها دوح!= مثل الذي فالدهر للسيل عسّاس !
وازيف الفرحه سواليف وامزوح= وامنّي الخاطر بلا باس.. لا باس
تدري وش اللي يقهر القلب والروح ؟؟= انك تعيش العمر محتاج للناس !!
واخذ من الابيات سجّه مع الروح= في معزلً مافيه ما يزعج الراس
هذي ثمان سنين والقلب مجروح= والفكر شارد والمعاليق يبّاس
ويفوح في صدري همومٍ كما فوح= صفر الدلال اللي لها الناس جلاس
امشي على درب المقادير وانوح= ويهيض وجداني ليا هبّ نسناس
سبة ظروفٍ تجهد الحال وتروح= وتترك مواجعها على القلب حراس
تعبت وانا اشيل والوقت مشفوح= يطوي سنيني دون رحمه ولا احساس
كني غريقٍ شاف موته على لوح !!= تلعب به الامواج ما صابه الياس
ابني من الاحلام بنيان وصروح= احلام ورديه غدت مالها ساس !
واطرد سراب اللال واخيلها دوح!= مثل الذي فالدهر للسيل عسّاس !
وازيف الفرحه سواليف وامزوح= وامنّي الخاطر بلا باس.. لا باس
تدري وش اللي يقهر القلب والروح ؟؟= انك تعيش العمر محتاج للناس !!
،،
منقول00
أتمنى تنال اعجابكم
تعليق