تويت
على بيض الورق نكتب تواقيع الزمن بسكات
*******نخاف دموع غربتنا مع الايام تمحاها
نشكّلها نلوّنها ..نفكّر بالعمر لحظات
*******نحاول مامضى يرجع وتعيد النفس ذكراها
تجرعنا الصبر مر ٍِ ينوّع بالقلوب اهات
*******يغيّر نظرة الدنيا بعين ٍِ أمطرت ماها
الا مسكين ياحظي ثقيله يمك الخطوات
*******تسابق خطوتك رجلك على النيران تاطاها
بتوقيع العمر نكتب ..حروف تحبس العبرات
******لاجل يقرا بنا العاشق دروووب كم تمناها
سهرنا الليل نتألم ..قضينا صبحنا حسرات
********نسينا صوت ظحكتنا وفرحتنا دفنّاها
اجل دام الهوى بلوه ودرب الحب به نكبات
*****وشاللي يجبر العاشق يسير دروب يخشاها
يقولون الهوى نار ٍِ وانا اقول الهوى جنات
*******واثاري الكل يوصفها حسب ماكان يلقاها
وانا يوم انها جنه بعيني شفتها لحظات
******اثاريها بداياتي مع اللي دمّر اتلاها
انا توقيع متألم انا توقيع حب ٍِ مات
*****انا كرت وبطاقة حب جريحه تنزف دماها
تحياتي
سبت 11 مبر
تعليق