اشوف القسوه بعيونك واحس انك تغيرتي
ابي افهم وشو ذنبي وليش الصد والهجران

على غدري انا ويلك تجرئتي وغامرتي
نسفتي قلب فى عشقه ابد ما يوزنه ميزان

بقربي ارتفع راسك وقافي اللي تعطرتي
جمالك زاد والسبه رسوم غرور والالوان

غبيه كيف له بعتي ولو كنتي تصبرتي
اميره تحكمي كوني ويعلا نجمكم والشأن

رفعتي حاجبك لكن زجاج انتي تكسرتي
محال تعودي لي والله وما تسوي تراب الان

انا اللي امسحك وامسح غرورك لو تكبرتي
افاض الله واعطاني بحور الشعر والقيفان

ولو يمك الف شاعر وحامد زيد اخترتي
ورب البيت ما همي ولا احسب لهم حسبان

اشوف الدمعه بعيونك وبح الصوت وانكرتي
غريبه ما تذكرتي غرور الشعر والاركان

على الرحال يا هذه على دربي تعنترتي
وشمس الكون لي تضوي تمنت رحلتي والدان

نسيتي الشعر والشاعر وياما ياما سامرتي
وحين تغيبي من اجله لجل يمسح لك الاحزان

غرورك تاه فى يدي وفى بحري انا ابحرتي
وتشهد نغمة الجوال ودمعك لي غدا عنوان

خلاص اليوم منسيه ومهما لي تعذرتي
شموخ العز فى يدي وقافي منبع الالحان

اشوف الذل بعيونك واحس انك تحسرتي
تحبي والا تنحبي بعدي ترخص الاثمان

مسحت اسمك وعنوانك وما ظني تحررتي
انا من يلمسه سحري يباله دهر او دهران

وانا الرحال منوه انتي تناثرتي تبعثرتي
وذاك الحاجب اتوطى وبان الذل فيكم بان