يالله يا والي على كل الأعمار = ياعالم(ن) كل المنايا والاقدار
ياحفظ النفس البريه من الشر = عليم بالغيب ومايجول بالافكار
النفس تغني بالخير وتنشد = ونصابها سوء تتقلب وتحتار
ونفسي دايم على هواها تنهد = وتتعب ليا قصر دونه الابصار
تلهث كما يلهث الذيب سرحان = ليا شاف الطريده وجاه انبهار
يتعب لين يحصلها العطيبي = ويونس عقبها حلو القلوب الاوتار
ياعنك يا عمي هذي نفسي = ومنها ساعتين في مجلس الأبرار
حيث ذكر الله بها ترتاح ويجيها =البسط ياعم على ذيك الاذكار
الجود جود الله يالعالم الفاهم = والخير من الله لعباده محضار
والكبد يا موسى جاها لفافي = وجاها حسرتن وتبطنها اعصار
من زود الطمع واللهفه تهوج = مثل طير افلت مسابقيه إقصار
شاف خرب(ن) سمين(ن) هظيم = لذة فيه لغرس مخاليبه الجبار
وراعيه اونس هدوه المعتاد = حر يجيب الصيد وعن الخطى جار
مير البلا ليا شاف الطرايد اكثار = وافلت منه الصيد وعنه نار
هذيك كبدي يا موسى بمقياس = اوصفتها لك من طير ابوك عمار
والعين يا ابو خليل تنهمر بالدمع = لاذكرت الله في مصلى واذكار
وليا شفت القبر وبداخله اللحد = انهمر بدمع(ن) بكثره وانهمار
وحاجتين تفرح لها عيني ياخوي = البر الوسيع وربيع النواوير وازهار
وعقلي يا الغالي ياللي عليه تمون = مثل غيم السحاب المهمار
ارخت مزونه لحد الأرض والهضاب = واسدلت بالخير المعم على الدار
المطر هو العقل بفكره وعرفه = وتجني ربيعه من ثمر الأثمار
قلته يا الغالي وانا بالدمع همار = في هضبة الديرة حزت اعصار
مديت النظر مالقيت غير الخيال = انبنى بوصف شاعر من الشعار
ألا ليت الدقائق تخف سرعت(ن) =فأحظى بما قلت واوجزت بالأشعار
يطيب مقامي ويطيب لي عيش = ويطيب حالي يا مرسولي الطيار
تمت وصلوا على سيد الأمة = محمد الموخي بين اوس وانصار

الحقيقه هذه الأبيات قيلت في اخي ابراهيم واخوي موسى والغالي اخوي نواف والحقيقه قلتها في مناسبة شعريه في ايام عيد الفطر المبارك.
أما بالنسبه لطير عمار هو طير حر لدى أبوي واسمه عمار. اما بالنسبه مرسولي الطيار وهو عمي الطيار. وهو المقصود بعمي في البيت الاخر من القصيده كذلك.
هذا مجرد توضيح...