تويت
قصيدة تمدح كل القبائل %
السلام عليكم ورحمة الله وبركاته
.. ..
اخليكم مع القصيده .. الي تمدح جميع قبائل السعوديه ..
\
.
/
.
\
قبأيلٍ تسكن بشبه الجزيره - - جزيرةٍ تبهر عريضه كبيره
والكل منهم له منازل وديره - - من ساحل الأحمر ليا ساحل عمان
منهم "بني مالك" ذكرنا فخره -- مالطيب طوع يد ينهم ماعسرهم
ليا ماجت أمواج البحر من بحرهم - - بحر يكز الموج من غير جيلان
و"زهران" جن الحرب يوم الحرايب - - اللي طعنهم يودع ا لدم رايب
هبت لهم من كل طيب هبايب - - وا لنعم والله يارجاجيل زهران
وأيضاً "عتيبه"نعم والله عتيبه - - قبيلةٍ بين القبايل عريبه
أمجادهم تعرف ولاهي غريبه - - ليا حل طار المجد يطرون عتبان
ومنهم بني الحارث هل المذهب - - الزين كسابة القاله على العسر و اللين
تاريخهم معروف ماهم غبيين - - وا لنعم يإبن الحارث طيور حوران
ومنهم "سبيع"ونعم بسبيع دايم - - تاريخهم يشهد لتهم في القدا يم
نقول حق ولا نحب ا لظلايم - - يستاهلون المدح والنعم سبعان
و"غامد" ونعم بغامد اهل الشكاله - - قيف شجيع كاملات خصاله
الطيب فيهم والكرم والبساله - - الاّ وفي وقت المحاضير شجعان
و"قحطان" ساس الأصل نعم القبيله - - أفعالهم من غيرهم مستحيله
بالطيب عدو كل عيطاء طويله - - وا لنعم والله ياصناديد قحطان
والنعم "با الاشراف" نسل الصحابه - - الدين فيهم وا لسخاء واللبابه
والعرف والمعروف شدوا ركابه - - والنصح والارشاد عن كل عصيان
وأولاد وائل نعم والله قبيله - - أهل الفعايل والعموق الاصيله
منهم ملوك يكسبون ا لنفيله - - اسم(عنزه) في قمة المجد عنوان
و" شمر" ليا عدت فعول النحايا - - وا لنعم والله يارجال ا لطنايا
حمأية القاله سهوم المنايا - - نقولها في حقهم سر وإعلان
والنعم "للعجمان" مافيه معروف -- قول وفعل ما تنفع نقاط وحروف
مجدٍ تعلا كنه سهيل مشيوف - - دليلنا في مدحهم فعل راكان
و"مطير" حمران النواظر هل الجود - - تاريخهم من قبل واضح و معدود
مجدٍ مثبتة براهين وشهود - - ماينجحد مجد وأهاليه مطران
ونعمٍ "بحرب" ليا طرا طاري الأمداح- - أهل ا لموا قف كل ماصاح صياح
حرابهم بالنوم ماهوب يرتاح - - من ضيمهم مايمرح الليل سهران
و "سليم" أهل مجد مسجل بالاسطار - - ذربين أهل قاله وبالعرف شعار
وأظن هرج ا لصدق مايقبل إ نكار - - أخذ الأدب والعرف من روس سِلمان
وجمع "الدواسر" ما بهم قول قايل- - دواسر جمل يشتال كل الثقايل
باسمه تسموا والفعايل دلايل - - غدران موت ماتحلى بغدران
و"بني تميم" اللي فخرهم مقيمي -- ودليلنا قول ابن صقيه ا لتميمي
يدري بهم من كان قلبه فهيمي - - أ خبارهم شاعت لحضر وبدوان
وأيضا "بني خالد" عذاب العنيدي - - جو من سلالة "خالد ابن الوليدي"
قول محقق مانقول ا لسريدي - - نقرأ ونبحث لين ندري بما كان
و"عسير" عسرين على كل طماع -- سباعٍ تعشي سباع الأقذال بسباع
السيف بيديهم مخلد ومطواع - - ورماه ليا رد النظر لام نيشان
و"شهران" مشهورين والجد شاهر - - الكل منهم فا لمهمات ماهر
طيب ليا عدوا هل الطيب ظاهر - - معروف مايطويه بعد ونسيان
و"بالقرن" قرن الموت شرابة الدم - - حرابهم يسقونه الصبر والسم
في رؤسهم شيمه وعادات ولزم - - ما ينحصي تعريفهم عبر قيفان
((والنعم "بالأحمر" على كل حالي - - في كل صعبات اللوازم رجالي
شوامخ ماهم بجرف هيالي -- كسبان ياحايز على المدح كسبان ))
و"شمران" ليا شمر عن الساعد الثوب - - حرابهم يقفي مذ لل ومرعوب
كم كدروا يوم الكدر كل مشروب -- ياهل الوفاء محد جحد فعل شمران
والنعم"بالأسمر" ليا حل طاري -- شمعة فخرهم ماذرتها ا لذواري
يروون صفحات القنا و الشباري -- ويوردون ا لسيف لاصار عطشان
وصبيان"يام" أهل العموق العريقة - - ستر ا لظعن يوم الايادي طليقة
ما تختفي عن عين عاقل حقيقة -- يام ا لحرايب يوم سوقات الاظعان
والنعم والله في رجال"ا لشرارات" --- الطيب له فيهم مواري وأمارات
أهل ا لمراجل يوم الأيام عسرات -- - الكل منهم يجلب ا لروح قربان
أيضا" بني هاجر" كفوف الأسود - - ييثبت لهم في كل علياء وجودي
قول عليه الفعل الأبيض شهودي - - وا لصدق قايد للمعاني وقبطان
ونذكر " بلي" بلواء على كل عاصي - - ليا جاء نهار فيه شيب ا لنواصي
رجالهم ينطح خشوم ا لرصاصي -- ليا طار ستر ا لوجه عن دعج الأعيان
وأيضا "جهينه" عزوة باسهم باس -- نطاحة ا لغاره على قب الأفراس
أمجادهم من يوم خلقوا على ساس -- بيت جويد ما نخلع فيه بيبان
وأيضا"السهول" لهم مواقف وتشجيع -- يطوعون ا لضد لازام تطويع
ويقال عنهم ا نهم حلف لسبيع -- ذولا وذولا نعم وافين الأفنان
وأيضا "الظفير" أهل الظفر والمدايح - - يوم الثميدي مثل وبل الروايح
ارجال مافيهم غموز وقدايح - - منهم زبون أهل لمقاصير "نومان"
وسفيان من قبل النبوه لهم بيت - - صحيح لاأ ز ل بكلامي ولاأخطيت
قريت في كتب التواريخ وأوحيت -- سفيان سلسلة العريب ابن سفيان
و"طويرق " أهل الشيمه المستديمه -- وأهل الوفاء وأهل اليدين الكريمه
للجار عز وللمعادي هزيمه - - أقولها ماني براعي تلوان
و"هذيل" أهل غيره ومذهب وجيره -- وميزاتهم من غير هذا كثيره
وليا قدح للحرب قادح ذخيره - - تلقى مقاديم الرياجيل هذلان
و"قريش" مجد قريش كل درابه - - قوم الرسول وقوم بعض الصحابه
ومجد تعدى الهاشمي وشنبابه - - اللي من قلوب البشر زال الأدران
و"ثقيف" ما يحتاج نذكر فخرهم - - ما دام "ابن يوسف"على طول منهم
يكفيهم "الحجاج" مجد شهرهم - - بالكتب والتاريخ في كل ديوان
و "بني رشيد" من القبائل يعدون -- ليا جت مجالات المواقف يبدون
يبنون بنيان الفخر مايهدون - - واللي نقدهم مامعه علم بخصان
ونذكر "بني مره " ونعم ال مره - - للجار عز واللمعادي مضره
واليوم في نعمه وسره وقره - - - بين الثلاث اللي خذتهم بالأحصان
و"أكلب" هل الطالات وأهل النواميس - - إمسيسن بدوحة المجد تسيس
كلامنا مابه مجامل وتلبيس - - والقول لاسلم الغوى والخطاء زان
والمعذره يا واسعين المعرفه - - إن غاب عن تفكيري أحد ماعرفه
للشعر تصريف وللهرج صرفه - - ولاينتجازى الناسي إلا بغفران
وسلا متكم
فديت السعوديه وأهلها....
تعليق