تويت
مساكم ورد ...
قصيده كتبتها قبل فتره حبيت اشاركم فيها ..... في القصيده ورد اسمي استبدلته بنجوم مكان الاسم لانها قصيدة خاصه ... اتمنى تعجبكم وفي انتظار تعليقاتكم
يامن يزيح الهم وضيقة البال
يامن يخبر صاحبي وش جرا به
قالو يا *** وش علة الحال
قلت اسكتوا وخلوني اتبع سرابه
لاتحسب اني عن حبكم خالي وسال
انظر خفوقي مافي غيرك مشى به
الحب له انواع والوان واشكال
وحبي اصيل وما لغيره تشابه
حب بدوي عاشق من الغيد تمثال
في الحسن والزين وكل صفاته حبابه
حب بدوي غنى من الوجد موال
بكى به القمره مثل حزن الربابه
حب بدوي تاه في بحر الأهوال
وليل الشقى عزر به وغدى به
كني اسير مقيد بكثرة حبال
والا كما غريق ماحد درى به
والا كما مدفون بحفرة رمال
خلوه الاصحاب في وسط غابه
والا كما مطلوب في دم رجال
مع الشروق ينفذ فيه حد الحرابه
قالو لي انظر يمين وشمال
بتلقى من الغيد من بتمسح صوابه
قلت الدمع على الخدين همال
مايطلب الا هو ويا ماحلى عذابه
ابي انا قربه لا ضاق به الحال
وامسح انا دمعه واطيب ثيابه
واحكي له القصة عن عشق خيال
للمهره الي تبختر حسن ومهابه
وادفيه انا بصدري والبرد قتال
وانومه بحضني اذا النوم طابه
ويصحى من النوم واضمه بالحال
يقول يا *** شد الخصر لا تهابه
ماجيت انا طلاب دنيا واموال
جيت انا طلاب عشق وصبابه
هذا عتابي ياهوى البال مرسال
وكني اشوف الموت كشر لي نابه
قالو يا *** وش علة الحال
قلت الحبيب الي قتلني غيابه
يامن يزيح الهم وضيقة البال
يامن يخبر صاحبي وش جرا به
فتى الظل
تعليق