هديكم هدة الابيات وتمنى ان تنال اعجابكم


على طاري الكلام العذب ياعمري وش اخبارك...وش اخبار الغرام اللي سكن في داخل اعيونك

وعلى طاري صباح الورد من نسمات ازهارك...صباح الياسمينه.. ياعبير الورد.. يا لونك

أنام بحضنك الدافي.. واعيش بعالم اشعارك...يصحيني غلاك العذب.. وامسي بدافي شجونك

حبيبي.. ياحبيبي.. كل هالدنيا.. لي تبارك...تبارك والله لقلبي.. لاني صرت مفتونك

انا بختار قلبك...تدري انا بكلك اختارك...عيونك..مبسمك..طول ك..وليل ظافي متونك

بقى صوتك مع همسك.. وهذا قمة ابهارك...يغار السمع من همسك..اجل لا تلوم مضنونك

اذوب.. ان جابك الطاري.. وأهيم بعالم ابحارك...انا الغرقان في حبك.. ومرسي حبي اجفونك

على هونك على قلبي.. ترى ما اقوى تبختارك...دخيلك لا تضيعني.. ترفق بي على هونك

اروح..ابعد..اسافر..ياحبيبي وارجع لدارك...تخيل ودي اخونك.. وقلبي يرفض يخونك

وتخيل تخطي بحقي.. وأنا ارفض ما بي اعذارك...لانك كل ما تخطي..ازيدك عشق واصونك

واجيك العاشق الهايم.. واقول اسف لمقدارك...انا المخطي بحقك.. والعواذل لا يهمونك

حبيبي.. ما أبي جنتك ؟؟انا والله ابي نارك...تسميها جنون الحب...انا والله مجنونك

على فكره ..وش الدنيا بلا طاريك واخبارك...قسم بالله ما تسوى.. ولاهي شي من دونك



لكم خالص ودي واحترامي !!!! مزون الربيع!!!! منقول