السلام عليكم


مداعبة فيها الروح تبتسم :)


تدرين انك لحروفي حقيقة؟
واني فيك دايم أغيب
أشتاق لك لهفة
وأشتاق لك وأنت ِ معاي

تسأليني وش يشغلك
يعني بربك ما دريتي؟
أنك أنت ِ في كل أفكاري سكنتي
وبين نظراتي حللتي
وفوق هامات القصيدة تزينتي؟

يوه يا ملهمة حرفي وشعري
وجنة أفكاري وظلي
تشغليني عنك فيك
وانشغل بك أكثر وأهيم

واتوه في دروب المدينة
ابحث وأدور عن أقرب وسيلة
تأخذني لدروبك
وتحملني فوق جنحان هالطير
المسافر بين شوقي وشوقك

واتعذر لأجل ما اترك هالمدينة
بكل عذر وبكل حيلة
بس أبي أسكن أكثر
ولو انه قضى وقتي
أرجع أتعلل

أقول احتاج وقتي هنا
يا دنيا لا تكوني بخيلة
وتسأليني وش اللي يشغلني؟
أو تظني بالي عنك ينشغل
لا صرتي غايبة سار لك فكري وحلمي
أجل وشلون لا صرتي معي
ولأجل ما أكثر أبوح

واترك لي بعض أسراري
وعن عيون الكون أخفيها لا تلوح
أبكتب لك كلمتي
باختصار وبكل الوضوح
في شرودي وفي حضوري
وفي كل حالة

لا ياخذك ظنك
ترى أنا فيك وحدك
عقلي وقلبي وروحي وأنا
يرد الجواب
(( طوط .. طوط ))

( إن الرقم الذي طلبته مشغول )

لا تحاول يالغريب أنك تتصل
ماراح يوصلني اتصالك

ويبان لك على وجه أفكاري
إني أنا بحلوة غرامي

دايم الدوم مشغول


منقول