فمان الجرح يافرحتي

--------------------------------------------------------------------------------

فمان الجرح يا فرحي
أنا كلي وجع والام .. وضيقة صدر وتنهيدة
أنا لا جيت تجمعني تفرقني مسافاتي

تعبت الحزن يا جرحي .. تعبت الاه وترديده
أبسأل لي متى بنزف على بابك عذاباتي

تراني لي متى بصبر على حزني وتعقيده
خفوقي ما قوى صبري عجز ترديد اهاتي

أنا لا قلت يكفيني .. يزيد الهم وأزيده
بدمعة ضمها جفني بقت لي في مناماتي

أنا حس الشقا فيني يمشي بي وانا اعيده
ترى يا فرح علمني ما عدت اليوم في ذاتي ؟!

أببكي مابقى واشكي هذا الهم أنا سيده
ما مثلي بالبشر والله نسيت اليوم ضحكاتي

طلبتك لمني يا فرح أحس بخطوتي بعيده
تحجر دمعي في كفي وتاهت كل خطواتي

صفر كل الهنا فيني صفر فرحي وتجديده
صفر حلو المعاني اليوم تسطرها كتاباتي

تعبت أصيح من جورك متى حزني انا ابيده
متى بحرك يضم موجي واحقق كل غاياتي

متى فصلك بقلبي يحل يرخي لي عناقيده
أبحيا بالهنا برسم ورودك في خيالاتي

تحن اليوم وتصفالي واقول القلب يا عيده
وبكرة من يجي ترحل وتظلم كل ساعاتي

فمان الجرح يا فرحي وش اللي باقي نعيده
أنا أخطيت في ظني وضاعت كل هقواتي

لعبت باخر أوراقي وديني حان تسديده
خلاص ارحل وانا بنهي فصول أقسى حكاياتي