علموني وش اسمّي من ترك حبه وراح
وعلموني وش اسمّي إلي قلبه (مستبيح)
ما اقول إن المفارق حالته حال إرتياح
وما اسمّي من يعاني بعدهم (بالمستريح)
ما سمعنا عن وِليدٍ رضعته جُرعت (صياح)
وما سمعنا عن وِليدٍ طول عمره ما (يصيح)
لو عشق فالليل عاشق عشقهم يصبح صباح
ولو يعشق الصبح عاشق عشقهم ماله صبيح
كن حياتي من بعدها غلّفوها (فالوشاح)
وعلقوني في حبالٍ من ترايبها تزيح
لو اكابر يا حبيبي ما اكابر (فالجراح)
طول عمري في (سكوتي) مو على شكلي صريح
شف حياتي يا حبيبي نغمها صوت (النواح)
وشف حياتك يا وليفي ما يصح إلا الصحيح
لو بقارن في وجودك عن وجودي فالقراح
كان ما يمسي (المهلهل) ليلته عند الضريح
مو نهاية دنيتي لا غبتي عن هب الرياح
والجبل يبقى جبل ما يزعزعه هبات ريح
دام حظي في حياتك جرّبه حظك وطاح
يمكن إن الحظ مع غيري ما فكر (فالمطيح)
الكرامه فالرجل اعلى مقاييس السلاح
من جرحها في مرضها اعلنت وقت (النطيح)
يا (عزائي) في غرامي إنتهى حد النجاح
وإبتدا (ميّتم) هيامي في لياليها يصيح
لا تحاول في رجوعك ضربتك مثل الرماح
علّمت في صدري إلي غبنته مثل الطريح
يا مصارع (هاجسي) بين التشدد والسماح
يمكن (ارجع) يمكن (ابقى) والاجابه ما تُريح
علموني وش اسمّي من ترك حبه وراح
وعلموني وش اسمّي حالتي يا اهل الفصيح
منقووووووووووووووووووووووول
اختكم / عمر الشقاء