تويت
ياصاحبي أرجوك خلني بحالي
ياصاحبي أرجوك خلني بحالي !
ما ودي أضيق خاطرك وأنت مرتاح !!
ياصاحبي وإن غبت عنك " ليالي " !
غلاك باقي ب الحنايا ولا راح !!
تبيني أسولف لك وش اللي جرالي ؟؟
أخاف يمحي قولنا الصبح إذا لاح !!
أجل تعال أجلس هنا قبالي !
دام الحطب طاح وكثير العتب طاح !!
لو كل شخص إذا عطيته وفالي ؟؟
ماكان ب الدنيا حزن ليل وجراح !!
ولو كل غالي قدر إحساس غالي ؟؟
ماشفت ذاك الدمع من محجره ساح !!
ولو كل قلب من الحسد جاك خالي ؟؟
مايشتكي من شح الأمطار فلاح !!
ولو كل واحد جاك طبعه مثالي ؟؟
ماكان ب الدنيا سجن ناس وإصلاح !!
ولولا الذنوب اللي ب كبر الجبالي ؟؟
ماكان جيش الكفر ل بلادنا إجتاح !!
ولو الردي يعرف ش معنى عيالي ؟؟
ماحذف أبوه ب دار الالام يا صاح !!
هذا بعض حزن السنين التوالي !!
طير الحزن مبطي على خافقي ناح !!
ما أقول إن الخير ماله مجالي !!
لا والذي يفلق من الليل الإصباح !!
لكن هنا بعض الألم ياراس مالي !!
وأنا أدري إن العود إذا أحترق فاح !!
أول أقول إني صبور وشمالي !!
واليوم لا والله إنفجر سدي وباح !!
ماقلت لك ياصاحبي خلني ب حالي ؟؟
هذا أنت ضقت وأذكرك جيت مرتاح !!
منقوووووووول
تعليق