(( طول مشواري ))

عيونٍ ترسل النظره ولايقطع مداها سور

جنون العشق بعيوني او الأعجاز بأنظاري

غراما جاوز حدود الغرام ولاقوته شعور

غراما تاه في برد الظلام وشتت أفكاري

عنوداً تنثر النظره على درب الهوى بغرور

وأنا من قبل تنثرها وأنا لعيونها ساري

تبلتني بنظرتها وأنا من قبلها مسرور

تهنى بالكرى عيني ولا يسريبي الساري

وأنا الليله عن المرقد خذاني رمشها المسحور

ألا عزاه ياقلبٍ به الاشواق تنهاري

احسب الطيف بغيابه يطفي قلبي التنور

واثر لعيونها طيف يزود واهج الناري

واحسب الشوق مايجرح وألم الخاطر المكسور

إلا ما لوعة الفرقا سقتني سمها العاري

أشوف بخدها لون الورود ولمعة البلور

واخاف تكون لاماها تخالف رغبة اقداري

رسمت لخدها ورد وسحابٍ غايمٍ وزهور

وكتبت لعشقها قصه تسيل دمعة القاري

أنا ماريدها تنحت كتابات الصحف بصخور

ولابيها نهر دجله توقف فيضه الجاري

ابيها يوم حطتني بلوعات الهوى والجور

تجي وترد لي بسمه قتلها طول مشواري