تويت
{ حنان } ...
تعال اقعد وافضفض لك عشق وسط الحشا وهوجاس
صديقي .. واسمع .. امالي .. والامي .. وتأملها
اب اوصف لك حنان بقدها الممشوق والمياس
اب ارسملك ملامحها ..وعليك .. انت تخيلها
عليها خدود وش بيض الحمام ابيض من القرطاس
عليها عيون .. واهداب .. وقوام.. الله مكملها
تخيل يوم تضحكلي وتسلهملي غنج ونعاس
ومع الضحكه تعض شفاهها ؟؟ وتنثر جدايلها
يفز العشق بضلوعي واباريها بدون احساس
توصلني الجنون بزينها المجنون واسألها
اقول : بربك اللي عطاك زين بلا قدر ومقياس
وحطك في وسط قلبي سعادة ماقدر اصلها
تحبيني ؟ تقول : بكثر مابالارض رمل وناس
واحلفها من الفرحه .. وانرفزها .. وامللها
وحتى بالزعل تحلى !!! تصير بروعة الالماس
تصدقني بعض مرات أنا اتقصد وازعلها
تهب عطور من مفرق شعرها عذبة الانفاس
مثل عطر المطر .. لاعانق التربة وبللها
حنان اجمل بنات الارض واصدقهن دفا واحساس
حنان بنظرتي هي اخر الدنيا واولها
اهني الريح لاهبت لاراضيها واهني الناس
واهني هالجبال اللي قريبه من منازلها
تفارقنا مثل فرقا الجسد والروح هم وياس
بكت ضحكة وضحكت دموع لحظة ماتخيلها
ياليت الله يجمعنا بعد هالبعد راس لراس
واغبيها عن الدنيا وهي دنياي باكملها
منقووووول
تعليق