يسعد مساء/صباح/ الغالين
قصيده اعجبتني اتمنى تعجبكم وما تكون مكرره


على عذب اللقاء .. صحّيت شمعي من قناديلك
ولادري كيف راح الليل .. لاهذي .. ولاذية

على وعدك تجي ليلة .. وليل يطول بي ليلك
وقلبي ينتظر غصنه .. على ميعاد قمريّة

تغيب .. وتطفي شموع الفرح .. وأرقب مراسيلك
وأعيش الليل مابين الأمل .. وشموووع مطفيّة

تعذبني ولا بلّت .. دموعك حد منديلك
ولا بيّن بعينك لإلتماس العذر .. ماريّة

تطيح أحيان من عيني .. ورمشي يرجع يشيلك
خطاك يمرّني .. مثل الحياء .. وأحلام ورديّة

أطيّر سرب قيفاني .. وتمسك في محابيلك
تبلّيت القصايد .. والقصايد فيك مبليّة

يفوح الشوق بدلالي .. وأصبه في فناجيلك
هلا .. وإقدع من خلاص الحشى .. والقلب تمريّة

يهلي بك خفوق ٍ كل ماغنى .. يغني لك
وتشربك العيون .. اللي من فراقك ضماوية

يذوب أحلا كلام العشق .. بلساني وابابيلك
تلعثمني حروف ٍ بالعسل .. والورد مطليّة

أسج البال .. واسرّح .. هجوسي في مداهيلك
أمانه لاتبعثرني .. وانا لك صافي النيّة

تعال ولملم شتاتي .. وذكّرني مواصيلك
قبل لايموت غصني .. في رجاء ميعاد .. قمريّة



للشاعر/محمد بن صخيبر